کولت. آذ آذربایجانین سئویله‌ن شاعری رامیز رؤوشنین شعرینی تقدیم ائدیر:

داها چوخلارییلا آرام سرینلر،
چوخلاری بوینوما سئوینمز داها.
۲۳ یاشیم‌دا منی سئوه‌نلر
۳۳ یاشیم‌دا سئوممز داها.

من آخی نه چؤله‌م، نه یول، نه کوچه،
من آخی هامینین اولا بیلمره‌م.
منی سئوه‌نلردن اؤترو اؤلونجه
۲۳ یاشیم‌دا قالا بیلمره‌م.

ایلاهی، قوجالیق بویموش دئمه‌لی،
دوستلاردان سس‌سیزجه قیریلیر آدام.
عؤمور بیر بولانیق سویموش دئمه‌لی،
عؤمور آزالدیقجا دورولور آدام.

داها بالتا کسمز آغلیم کسه‌نی،
دونیانین دادینی بیلیرم داها.
بو قوجا دونیادا هر نفه‌سی‌می
آغاج‌دان مئیوتک دریرم داها

سون نفس دونیادا هر شئی‌دن شیرین،
شاعر ده قوجالیر، اؤلور، بیلیرم.
سؤزون‌دن قان ایگی گلن شاعرین
آغزین‌دان سود ایگی گلیر، بیلیرم.

بو دونیا بیر قاینار قازانمیش دئمه،
سؤندورمز اودونو نه قار، نه یاغیش.
دونیایلا دالاشماق آسانمیش دئمه،
چتینی دونیایلا باریشماغیمیش