کولت. آذ شاه ایسماییل ختایینین "بولونجا" آدلی شعیرینی تقدیم ائدیر:

گل اؤیود وئرییم، اؤیود آلیرسان،
خیدمت ائیله گئنه گولو بولونجا.
کاروان گئدر، ساغین، گئری قالیرسان،
هامان الده‌ن قویما یولو بولونجا.

اؤلدورسه ده، چیخماز یول‌دان یول اری،
گئرچکلرین الین‌ده‌دیر یولری،
گؤروندو، سیر ائیله آخان سولاری،
قاریشیر عمانا سئلی بولونجا.

آری اولدون، هر چیچکدن آلیرسان،
بالین دامیزلیغین قاندا بولورسان،
یئتمیش مین آیته دلیل اولورسان،
آنلاییب دا بو دلیلی بولونجا.

دینله‌ییب ده بو معنایی یازمالی،
هر کیشی حالینجا قویو قازمالی،
یئددی پادشاهلیق یئری گزمه‌لی،
حالینا مناسیب یئری بولونجا.

سیل-سوپور قلبینی، سوددن بیاز ائت،
اؤلدور نفیسینی، شیطاندان آریت،
دوخسان دوققوز یئره چیخدی بایزید،
حالینا مناسیب یئری بولونجا.

شاه ختاییم آیدور: – باخما بو حاله،
کؤنلوموزده واردیر بیر اولو قالا،
الیف گله، عین گله، میم گله،
دردلی قوللار درمانینی بولونجا.