Axar.az
یوخاری
22 یانوار 2020


بیلمه‌م بو نازنین کیمین ایستکلی یاریدیر؟- غزل

آنا صحیفه ادبیات
12 Punto 14 Punto 16 Punto 18 Punto

کولت. آذ علی‌آغا واحیدین غزلینی تقدیم ائدیر:

بیلمه‌م بو نازنین کیمین ایستکلی یاریدیر؟
یا هان‌سی بختیارلارین بختیاری‌دیر!

آچدیقجا گول جمالینی، ائللر فرح‌لنیر،
گویا گؤزل‌لیک عالمینین نوبهاری‌دیر.

دونیا بو نازنین ملکین حسرتین چکیر،
خلقین سئویملی آفتی، هم شهریاری‌دیر.

یوز دفعه یانساق عشقی اودونا، قورخو بیلمریک،
چونکی دیاریمیز بیزیم اودلار دیاریدیر!

بیر واخت سجده‌گاه ایدی آتشپرسلره
شبی-سبا کی، مرکزی دریا کناری‌دیر.

قان ائتمه، ساغی، باغریمیزی، باده تئز گتیر،
دولدور قدحلری، گئجه‌میز گئچ‌دی، یاریدیر.

هر کیم دئییرسه، سئومه بو رعنا گؤزللری،
بیلمیر کی، سئوگی عالمین بییختیاری‌دیر.

بیر گون گلر کی، من گئدره‌م، خلق سؤیلیر:
بیچاره واحیدین بو غزل یادیگاری‌دیر.

تاریخ
2019.12.07 / 11:38
مولف
Axar.az
شرح لر
دیگر خبرلر

گونوموزون گونئی آذربایجان ادبیاتی نماینده‌سی-نادیر ازهری

سئوگی عمورلوکدو، بیرجه آن دئییل- شعیر

آغلا، داغلار یومشالسین- شعیر

بایاتی اوستاسی ساری آشیغین، سئوداسی

بو یولو یالقیزجاسینا گئتمک اولمازدی...- اؤیکو

بالامی‌ تاپماسام یولا دوشمه‌رم. من بالامی‌آختاریرام -حکایه‌

او گونلرده سورکلی ایزله‌نیردیم، اوساندیم - شعیر

اوشاق گؤزلریندن اینجی کیمی سوزولن یاش لاری...

هاچان باللاشاجاق آجیلاریمیز؟... - شعیر

سانما یوخلوغوندا پاییز آخشامینا دوندو اودام - شعر

خبر خطّی
 
Axar.az'da reklam Bağla
Reklam
Bize yazin Bağla