کردستاندا پوا گاز یاتاغینا هجوم ائتدی: اؤلنلر وار
09:00
آنا صحیفه ادبیات |
کولت. آذ علیآغا واحیدین غزلینی تقدیم ائدیر:
بیلمهم بو نازنین کیمین ایستکلی یاریدیر؟
یا هانسی بختیارلارین بختیاریدیر!
آچدیقجا گول جمالینی، ائللر فرحلنیر،
گویا گؤزللیک عالمینین نوبهاریدیر.
دونیا بو نازنین ملکین حسرتین چکیر،
خلقین سئویملی آفتی، هم شهریاریدیر.
یوز دفعه یانساق عشقی اودونا، قورخو بیلمریک،
چونکی دیاریمیز بیزیم اودلار دیاریدیر!
بیر واخت سجدهگاه ایدی آتشپرسلره
شبی-سبا کی، مرکزی دریا کناریدیر.
قان ائتمه، ساغی، باغریمیزی، باده تئز گتیر،
دولدور قدحلری، گئجهمیز گئچدی، یاریدیر.
هر کیم دئییرسه، سئومه بو رعنا گؤزللری،
بیلمیر کی، سئوگی عالمین بییختیاریدیر.
بیر گون گلر کی، من گئدرهم، خلق سؤیلیر:
بیچاره واحیدین بو غزل یادیگاریدیر.
تاریخ
2019.12.07 / 11:38
|
مولف
Axar.az
|