کولت. آذ اومید نجارینین "اوزگونلویومو" آدلی شعیرینی تقدیم ائدیر:

بیر تابلودا، یارالی قوش شکلین‌ده چک‌سه‌م

اینانما!

داریخمالاری‌می

بولود شکلین‌ده گؤزلرینه باخ‌سام

گیزلیجه سئودیکلری‌می یاغیش سسین‌ده آغلاسام

یئللنیب توللان‌سام پنجره‌ن‌دن اوتاغینا

دیز چؤک‌سه‌م‌ده قارشین‌دا

اینانما!

اؤزومو دنیزه ووروب (پاپیون)اون رولونو اویناسام

اؤزومو دنیزدن دیشاری آتیب، نهنگ تکی اؤلسه‌م

هر هان‌سی قورانداکی دعانی ازبرله‌ییب

هر هان‌سی اللها آند ایچسه‌م

گئیین‌سه‌م، پئیگمبر گئییمینی بده‌نیمه

حاق سؤزلری اوخلارین باشینا ووروب قال‌دیرسام

قار یاغ‌سام باهاردا

قیش‌دا آلوولانیب یان‌سام‌دا

اینانما!

اینانماسان‌دا بیر دفعه بئله اینان منی

چکیب گئتدییم‌ده

ایتیب-باتیب یوخ اولدوغوم‌دا

ایناناجاق‌سان بو اینانیلماز سؤزلری‌می...