کولت. آذ سلیمان روستمین شعیرینی تقدیم ائدیر:

عشقینی قلبینه بختیم کیمی یازمیش اؤز الیم،-
سن گؤزللر گؤزلیندن ده گؤزلسه‌ن، گؤزلیم!

اوزونو گؤرمدییم هر گونومه گون دئمیرم،
کوسمه، عنوانینا بو سؤزلری کوسکون دئمیرم،
سنه لیلا، اؤزومه، یاخشی کی مجنون دئمیرم
گل گولوم، گل چیچییم، گل کی، من ایلهاما گلیم،
سن گؤزللر گؤزلین‌دن ده گؤزل‌سه‌ن، گؤزلیم!

سن‌دن اؤیره‌ن‌دی باهار نغمه‌لرین نغمه‌سینی،
یای‌دی دونیامیزا خوش نغمه‌نین هر کلمه‌سینی
دویمارام مین کره، هر گون من ائشیتسه‌م سسینی،
چکیرم جار بونو بیلسین وطنیم، بیلسین ائلیم،
سن گؤزللر گؤزلین‌دن ده گؤزلسه‌ن، گؤزلیم!

دیکیرم گؤزلری‌می هر زامان، هر آن یولونا
دئ گؤروم، کیم اؤتوروب‌دور سنی هیجران یولونا
هارداسان، گل بو ووسال آدلی سولئیمان یولونا،
گل، گل، ائتسین یئنه پرواز گؤزل آرزوم، عملیم،
سن گؤزللر گؤزلین‌دن ده گؤزل‌سه‌ن، گؤزلیم!