کولت. آذ حبیب ساسانیان شعیرینی تقدیم ائدیر

تضمین غزل

*بیرینجی مصرع باشقا شاعردن اوْلاراق، اوْنا تضمین یازدیم.

*"توتدوم گئجه بیر کؤنلۆ سینیق تارین اَلیندن"

یار دۆشدۆ یادا، یاندی اۆرَک یارین اَلیندن.

باسدیم تاری غمدن سینه‌مه، میضرابی چالدیم

سوْلدو گۆل عشقیم دل بی عارین اَلیندن.

هیجران گئجه سی چیلله دَه تک باشیما قالدیم

بیلمَم نه ائدیم من بو دل زارین اَلیندن؟

یارب سوْنا چاتسایدی بو هیجران نه اوْلاردی؟

بۆلبۆل قوتارا گۆلدَه اوْلان خارین اَلیندن.

اِئهمالجا سوْروشدوم اۆرَه‌ییمدَن؛ نه چَکیرسن؟

قان آغلادی حسرتله، اوْ دیلدارین اَلیندن.

بیر گۆن وفا قیلسایدی فلک وصل نیگاره

جان گئتسه دَه، اَل چَکمَزیدیم یارین اَلیندن.

حسرت قوشو، یئر سالدی بیزیم اِئوانیمیزدا

اوچسایدی، اوچاردیم اوْ ظولومکارین اَلیندن.

کَسمیش باشیمین اۆستۆنۆ، هیجران قیلیجیلا

اؤلمز یاکاموز، بیرده توتا یارین اَلیندَن.