کولت. آذ گونئی آذربایجان‌لی شاعر یعقوب نیکزادین "بیزه کیم آغلایاجاق" شعرینی تقدیم ائدیر:

بوردا اؤلموش بیزه کیم آغلایاجاق؟

بو یازیق "دیل-سیزه" کیم آغلایاجاق؟!

یاس دونوندا بوغولوب پنجره میز،
بو قارا گوندوزه کیم آغلایاجاق؟

و غزللیک سازین آت سئودیجه ییم،
گل گؤرک اوز-اوزه کیم آغلایاجاق؟

آه... بو یوللاردا یاشیللیق بوزاریر،
آه... دیدیلمیش ایزه کیم آغلایاجاق؟

بیز ایپک نازلی دیلین دوستاغی ییق،
تورمه لنمیش سؤزه کیم آغلایاجاق؟

قارا بایرامدا دی هر گون قاراباغ،
قارغالان تبریزه کیم آغلایاجاق؟

بیر گولوش تاپمادی قورسون یوواسین،
بو یئییلمیش گؤزه کیم آغلایاجاق؟

قالالار کور دومانا چولغالانیب،
ییه-سیز اؤلکه-زه کیم آغلایاجاق؟

یئددی ایللیک دالی قالدیق دلی سوو،
گؤره-سن بس سیزه کیم آغلایاجاق