کولت. آذ علی‌آغا واحیدین غزلینی تقدیم ائدیر:

سئوگیلیم، عشق اولماسا، وارلیق بوتون افسانه‌دیر،
عشق‌دن محروم اولان اینسانلیغا بیگانه‌دیر.

سئوگی‌دیر، یالنیز محبت‌دیر حیاتین جؤوهری،
بیر کؤنول کی، عشق زؤوقون دویماسا، غمخانه‌دیر.

من اسیری-عشقییه‌م اؤز خالقیمین، اؤز یوردومون،
سئومه‌یه‌ن اؤز خالقینی، اؤز یوردونو دیوانه‌دیر.

قوی وطن دایم ایشیقلانسین گؤزل بیر شمع‌تک،
کؤنلوم اول شمین ضیاسین سئیر ائد‌ن پروانه‌دیر.

نازنین، رعنا گؤزللردیر - باخیرسان هر یانا،
بس بو تورپاق ایندی بیر جننت دئییل، آیا، ندیر؟

اؤلکه‌میزده گؤر نلر وار، باشقا بیر عالمدییک،
هر چیچک بیر نازنین، هر غنچه بیر جانانه‌دیر.

واحدم من، سئوگیلیم، من‌دن خیانت گؤرمه‌سه‌ن،
شاعره‌م، عشقیم ده اؤز قلبیم کیمی مردانه‌دیر.