کولت. آذ "فوتبال" آدلی قیسا حکایه‌نی تقدیم ائدیر:

سیزینله مرج گلره‌م کی، دونیادا قئیرت کیمی اویون‌چو اولماییب، اولمایاجاق دا. ایستییرسینیز اویونلارینا باخا بیلرسینیز. ائله مشق زامانی دا اونون نئجه فوتبول‌چو اولدوغونو گؤرمک چتین دئییل.

اودور، باخ، مشق باشلاندی. آها، غیرت اون‌بیرمترلیک وورور:

گومب! قاپینین اوست دیریی گئتدی ایشینین دالینجا.

—سن جمعی اون متردن ووردون. بو، حساب‌دان دئییل.

—ائه، قاپیچینین عادتی جیغال‌لیق ائتمک‌دیر، ده! حاکملر اون بیر متر ساییب دایانیرلار.

—باخ بوردان وورمالیسان، بیر قاریش دا قاباغا گلمه!

بودور، غیرت گئری چکیلیر، ایر‌لی شیغیییر و... گومب! بو دفعه قاپینین بوتون دیرکلری هاوایا اوچور. آی آمان، بو نئجه فوتبول‌چودور. حاکم بایاقکی چؤپلری گتیریب یئنی‌دن قاپی قورور.

مشق یئنی‌دن باش‌لانیر. هامی بیلیر کی، بالاجا فوتبول‌چو بیرجه ضربه ایله دیرکلری یئرین‌دن چیخاراجاق‌دیر...