کولت. آز فوروغ فرروخزادین شئیرینی گونئی‌لی شاعر اومید نججارینین ترجومه‌سین‌ده تقدیم ائدیر:

قارانلیغین اورتالیغین‌دا
سنی سسلدیم.
سوکوتلا نسیم واردی،
پردنی آپاران...
یالقیز گؤی اوزون‌ده
یانیردی بیر اولدوز،
گئدیردی بیر اولدوز،
اؤلوردو بیر اولدوز.
سنی سسلدیم،
سنی سسلدیم،
منیم وار یوخوم...
بیر پیاله سود مثالی
اللریم دی‌دی
شوشه‌لره توخونوردو
آیین ماوی باخیشی.

هزین بیر نغمه
توستو تکی آتیلیردی،
چییرتکه‌لر شهرین‌دن،
توستو تکی سوروشوردو
پنجره‌لر اوزرینه.

گئجه‌نی باش‌دان باشا اوردا
منیم سینه‌مین آراسین‌دا
اومیدسیزلیک‌دن کیم‌سه
لهلییردی.
آیاغا قالخیردی کیم‌سه،
سنی ایستییردی کیم‌سه،
اونون ایکی سویوق علینی
گئری قایتاریردی.

گئجه‌نی باشاباش
قارا بوداقلاردان
یئره سوزوردو قم.
اؤزونو بوراخمیش کیم‌سه
سنی سسلییردی کیم‌سه
هاوا دیوار کیمی
گلیردی اوستونه
کوله‌یه وورولموش‌دو.
منیم کیچیک آغاجیم
وطن‌سیز کوله‌یه
کولیین ائوی هاردادیر؟؟؟
کولیین ائوی هاردا؟؟؟