کولت. آز عبدالله غیبینین " گؤل وردی منی " آدلی شئیرین تقدیم ائدیر:

آغلاتدیلأر جانیم آخ دیله گلدیم
یامان لردن آجی دیل ووردی منی
فلجمع آراسینده جمعینگ بیرئیدیم
دوست .دشمن بیرلأشیب ائیل ووردی منی

سنسبیل لر هم سنبل لر آراسی
گؤل مرحمی عشق دردینینگ چاره سی
بومرحمه بیتسین گؤینیم یاره سی
تیکانه قوشولیب گؤل ووردی منی

نه دورری میش عشقینگ چشمه سی سووئ
عزتی حورمتی درویش یاهو وئ
یل اوینأر دلبرتل تل گیسووئ
سیلأغده دار اولیب تل ووردی منی

ایاقیمئ دیلدی فلک نینگ داشی
یقین بیلدیم یالان دؤنیا چرخئشی
زامان آریقیندن کچدئ مینگ کیشئ
یارئ یولده دوستیم سیل ووردی منی

داغ باشینینگ یالان یاغیش دومانی
یئر غیب ائتدی انا دک مهربانی
یالان میش بهاری یالان خزانی
قیش یئتیشیب توفان یل ووردی منی

گئجه سی یالان میش گؤندویزی یالان
آسمانی یالان میش یولدویزئ یالان
شعر یازأن عبدالله فلک تارچالان
یاخدی ورق لریم کؤل ووردی منی