کولت. آذ جواد فضلینین " دانیشاق " آدلی شعیرینی تقدیم ائدیر:(یانار)

شاعیر آل قلمی یاز یواش یاواش

شرفلی شوکتلی ائلدن دانیشاق

بابکدن نبی دن ده ده قورقوددان

کور اوغلی دان چملی بئلدن دانیشاق

اوُیا دون یاتانی یاتمیا بلکه

دیلینه آیری دیل قاتمیا بلکه

اؤز آنا دیلینی ساتمیا بلکه

آنا میز اؤرگدن دیلدن دانیشاق

سونا بیزیم یئرده گوُل بیزیم یئرده

گوزل بیزیم یئرده گول بیزیم یئرده

اوجاق بیزیم یئرده کول بیزیم یئرده

عاشیق چالان میضراب تئلدن دانیشاق

یوردوم آذربایجان وطنیم ایران

بوتون ایران اونو تانیر قهرمان

اردبیل اورمیه تبریزیم زنجان

هئشتریده آچان گولدن دانیشاق

من دییرم گلین هامی یغیشاق

یول بیر اولاق بیر بیرینه قاریشاق

انسانلیقدان باریشیقدان دانیشاق

اَلیمیزده اولان فعلدن دانیشاق

وئرمییَک هئچ زامان بیرلیگی اَلدن

گؤروبسوز سَس چیخا آخی تک اَلدن

مییاغات اوْل قارداش ایندی دیلیندن

صاباح کی نسیلدن ائلدن دانیشاق

ایگیدلر بسله ییب یوردوم هرزامان

ائوز یوردونا ایگید اولوبدور یانان

"(یانارین)" سؤزونه اوره کدن اینان

سهند دن آغ داغدان سئلدن دانیشاق