کولت. آذ شاعر قابیلین "حلب‌ده نسیمی ایله خیاله‌ن گؤروش" باشلیق‌لی شعرینی تقدیم ائدیر:

سنین داستانینی قویوب یاری‌دا،

سنین گؤروشونه گلمیشه‌م، اوستاد!

قبرینی حفظ ائد‌ن بو دیاری دا

یوردوم تک مقدس بیلمیشه‌م، اوستاد!

یاغیر گؤز یاشلاریم آغ یاغیش کیمی،

تاریخ تیلسیمینی قیردی هیجرانین.

گتیریب گلمیشه‌م سنه، نسیمی،

کؤورک سلامینی آذربایجانین!

کؤورکلر آغلایار... داشلار آغلاماز

آغلاماق اؤزو ده مردانه‌لیک‌دیر.

عقل‌سیز، فیکیرسیز باشلار آغریماز

ایگیدلیک - ان ضعیف پروانه‌لیک‌دیر.

قدیم شاماخی‌دان قدیم حلبه

قانلی-قادالییدی، آغیردی یوللار.

من بو گون آسوده گلدیم حلبه

گؤر نئجه ساکیتدی، فاغیردی یوللار...

چاتدیم بو شهره قاش قارالان‌دا

هانی عاشیق غریب، اصلی و کرم؟

ویترینلر، رکلاملار ائله بو آندا

منه گؤز ووردولار... باشقادیر عالم...

ویترین سویوق‌قان‌لی، رکلام دا سرین...

اصلی، کره‌ملرین باره‌سین‌ده هه...

اوندا نسیمیدن بیر سوراق وئرین،

اوزونون نورونو گؤسترین منه.

نه ویترین؟ تییاره سسله‌ن‌دی، ائهئیی،

نه شم؟ مئرسئدئس قیژهاقیژ آخدی.

یئر-گؤی دیله گل‌دی: - دییشیب هر شئی،

سییاه! کئشمیش اولا نسی‌می واختی!

اینجیدیم حلب‌دن، تزه حلب‌دن،

اگر اینجیدیم‌سه... باریشام چتین .

دب یوخ، ابدیت آختاریرام من،

یوخ واختی، ساعتی ابدیتین.

قاران‌لیق گؤیلره دقتله باخدیم

دونه‌نین، بو گونون چیراغییلا من.

دؤنوب ایلدیریما گورلادیم، چاخدیم

موزففر شاعرین سوراغییلا من.

بلدچیم ائیله‌ییب من اؤز قلبی‌می

گیریرم قاران‌لیق محله‌لره.

باخ، بو جور نابلد گل‌دی نسی‌می

آمالی نامینه همین شهره.

-ائهئیی! – دیله گل‌دی قارانلق، حلب:

-یعنی بیر بئله‌می چوخ‌دور جورتین؟!

یانیر زاهیدلرین گؤزون‌ده غضب:

منی قورخوتماییر اودو دهشتین.

-ائهئی! عکس-سدام هارای قوپاریر

زاهیدلر ایندی ده قالیرلار یعنی؟

حلبی مودهیش بیر قهرهه ساریر،

زاهیدلر دؤوره‌یه آلیرلار منی.

سولغون گونبزلرین یاریقلارین‌دان،

قدیم قاپیلارین اندازه‌سین‌دن،

اوچوق هاسارلارین قیریقلارین‌دان،

کؤهنه مسجیدلرین داروازاسین‌دان.

سوسوز قویولارین کالافاسین‌دان.

کیرلی بازارلارین کیف هاواسین‌دان،

پاس‌لی قیفیللارین آچار یئرین‌دن

قارا قارغالارین اوچار یئرین‌دن.

حلبین هؤرومچک دالانلارین‌دان،

دیریی چوروموش ائیوانلارین‌دان،

چؤکموش قبیرلرین باش داشلارین‌دان،

پونهان موجرولرین قاش-داشلارین‌دان-

زاهیدلر گودورموش منی سن دئمه

زاهیدلر اوستومه تؤکولور قفیل.

پار-پار پاریلداییر اللرده قمه،

بو زامان قاران‌لیق سؤکولور قفیل.

بابام نسیمینین نورانی اوزو

زولمتی سحره دؤندریر بو دم.

زاهیدلر گوروهو ترک ائدیر بیزی،

چاشقین گؤزلریم‌ده دییشیر عالم.

من کؤهنه حلب‌ده قریبه‌م، تکه‌م،

دئمه تک‌لیگی‌می بیلیب نسی‌می.

چوخ‌دان هسرتیله قلبی کؤوره‌یه‌م

ائشیدیب، اؤیرنیب گلیب نسی‌می.

یئنه ده زاهیددیر سس‌لنیر بو دم:

-ائهئیی !! قورخماییرسان، بورا حلب‌دیر؟

بیزیم فیتوامیزلا اؤمرون اولار کم ،

گؤرمورسه‌ن جللادلار نه دوتلب‌دیر؟!

-ائهئی! خوش گل‌می‌سه‌ن - دئییر نسی‌می،-

قورخما زاهیدلردن مابه‌ده، اوغلوم!

من چوخ‌دان بیلیرم زاهیدلر کیمی

قورخاق گؤرونممیش دونیادا، اوغلوم!

قان‌لی یارالاریم چوخ‌دان ساغال‌دی،

گل جانیم-جیریم، گل قوجاقلاشاق!

یئنه زاهیدلرین رنگی سارال‌دی،

قاران‌لیق گیزله‌دی اونلاری آنجاق.

قبریم ده اونلارا کسیل‌دی دوشمان،

سیله بیلمه‌دیلر ایزی‌می، اوغلوم!

منی یادا سالیب وطنیم، جاهان،

بختور بیلیرم اؤزومو، اوغلوم!...

بیز کؤهنه حلبله تزه حلبین

دوردوق حدودون‌دا سؤکوله‌ن‌ده دان.

دیشینی قیجی‌دی گؤزلرین‌ده کین

زاهیدلر گوروهو یئنه اوزاق‌دان...

آچدی تزه حلب اؤز قوللارینی

تزه میدانلاری... اینسانلارییلا،

یوردومون اوزانان دوست یوللارینی

بزه‌دی اتیرلی رئیهانلارییلا.

حلب! مککه‌م منیم، مدینه‌م منیم!

سن‌ده آذربایجان امانتی وار.

چاغلاییر گؤزوم‌ده سئوینج، قم منیم

گؤروش‌ده آغلایار، گولر آداملار...

نسی‌می شؤهرت‌دیر بشریته

شؤهرت زیروه‌سینین قاشین‌دایام من.

اونونلا قوووشدوم ابدیته

بو ساعت آلتی یوز یاشین‌دایام من.

سورییا، حلب شهری

۱۹۷۳