Axar.az
یوخاری
17 فئورال 2020


یاشادیم آلوولار، اودلار ایچین‌ده... - شعر

آنا صحیفه ادبیات
12 Punto 14 Punto 16 Punto 18 Punto

کولت. آز آذربایجان‌لی شاعر کمالددین قدیین "آدیم" آدلی شعرینی تقدیم ائدیر:

یاشادیم آلوولار، اودلار ایچین‌ده،
نئینیم، گؤرونمه‌دی بویوم-بوخونوم.
آدیم سئچیلمه‌دی آدلار ایچین‌ده،
هله کیملردن‌سه سونرا اوخونور...

بیر منه‌م، بیر ده کی سینه‌مین داغی،
نه چکدیم هسرت‌دن، عذاب‌دان اؤزگه.
نییم وار آدیما، نییم وار آخی،
نییم وار بئش-آلتی کیتاب‌دان اؤزگه؟..

اولمادی قفلت‌دن اویان، دور، دئیه‌ن،
هئچ واردان، دؤولت‌دن دوه‌م ده یوخ‌دو.
بیر آزجا کؤهنه‌دی، اوزون‌دور دئیه،
آدی‌می داشییان نوه‌م ده یوخ‌دو...

بورا دا گلمدیم کئفیم علین‌دن،
گؤر ائلسیز-اوباسیز نه اوروات‌دایام...
زور ایله آلین‌دی ائویم علیم‌دن،
هله ده هاوادا قئیدیات‌دایام...

دئییرلر شوکر ائله دردسیز اولمادین،
جانبیرین، درد باغریباداشین شوکر.
آلی کورسولرده دولاشیر آدین،
او بوی‌دا نازیردی آداشین شوکر...

قویوب گئدجییم یول‌مو، ایزمی وار،
گؤر هله نه دوش‌دو یادیما منیم؛
داها بو دونیادا کوچه‌میزمی وار،
صاباح دا وئریله آدیما منیم...

دی یاشا، گونلری گونلره جالا،
شله‌له بو ذات‌سیز یادداشین اوسته.
اصلین‌ده او گون‌دن داش آلت‌دا قالار،
ائله کی یازیل‌دی آد داشین اوسته...

بو بوی‌دا آلیلر، ذاتلار ایچین‌ده،
نئینیم، گؤرونمییر بویوم-بوخونوم.
آدیم دا سئچیلمیر آدلار ایچین‌ده،
هله کیملردن‌سه سونرا اوخونور...

تاریخ
2020.01.24 / 17:34
مولف
آیتاج آراز
شرح لر
دیگر خبرلر

طنز بویوک آغا افندی - حکایه

من صوفیلر یولداشییام... - شاه ایسماییل

کاش سن ده اوشیئیدین بئله مخلوق کیمی... - میرزه علی

آنا، نیسگیل ائدیرم من سنه ساچلار آغاریب...

کاسا دوشدو طاقچادان، داغیلمیشدی ائو ائشیک... - اوشاق ادبیاتی

تبریزین کؤکسونه اولدوزلار تاخسام- شعیر

تبریزین جیلدینه گیریر مشروطه چاغیم - شعیر

قلبیم‌دن وورولموشام، یارالییام، ایستانبول - شعر

ایپک ساچلارینی بیر واخت اوخشایان- شعیر

شم‌سی تبریزی آفوریزملری

خبر خطّی
 
Axar.az'da reklam Bağla
Reklam
Bize yazin Bağla