کولت. آذ آذربایجانین شاعری ایبراهیم ایلیاسلینین شعرینی اوخوجولارا تقدیم ائدیر:

هارداسان دونیامین حلال آدامی...
هارداسان؟ وارمیسان؟ یوخموسان؟ سسیمه سس وئر.
من‌دن او طرف‌ده سن توکه‌نیرسن،
سن‌دن بو طرفه منه نفس وئر.
من‌دن او طرفه، سن‌دن بو یانا،

نه کؤکده‌دی دونیا، خبرین وارمی؟
یالواریب یئللرله، بورونموش قانلی،
بیر اورک یوللاسام سنه چاتارمی؟
بیلمیرسن من هانسی وضعیتده‌یه‌م ،
من هانسی حالدایامممم بیلرمی‌سه‌ن سن؟

بو آجیز حالیما او اوجالیغین‌دان،
باخیب آجی-آجی گولرسه‌ن می سن؟
وورنوخوب قالمیشام دونیا ایچین‌ده،
منه بیر یول یوللا اؤزونه دوغرو.
قورتولوم بشرین آدیلیین‌دن،
سورونوم مبارک ایزینه دوغرو...

هاردادیر دونیامین حلال آدامی؟
سن حاقسان، سن وارسان!... سسیمه سس وئر.
قاپین‌دا ان صادق نؤکرین اوللام،
منه قودرتین‌دن، یئنی، نفس وئر...

هاردادی دونیامین ان صاف آدامی...؟!
سن لیمان – من سنه جان آتان گمی،
دلی دالغالاردا قطعی باتارام.
سپیب لپه‌لره هیجران یوکونو،
او اولان بیر یئره لؤوبر آتارام