آنا صحیفه ادبیات |
کولت. آذ گونئیلی یازار زهره وفایینین "قیزیم، منی باغیشلا" آدلی حکایهسینی تقدیم ائدیر:
گؤزل قیزیم، بیر عؤمور بیزلره بئله دئییبلر کی، اؤولاد آتا-آنایا حؤرمت ساخلامالیدیر. و اؤولادلار دا، هر حالدا، اونلاردان ممنون اولمالیدیرلار. اما بو دفعه من سندن ایستییرم کی، منی باغیشلایاسان!
قیزیم، بیلیرسنمی ندن سنین باغیشلامانی ایستییرم؟
اونا گؤره کی، من یاشادیغیمیز اهوالی سنین خئیرینه دییشدیرمیی باجارا بیلمدیم. منی باغیشلا!
من سنی ائله بیر زاماندا و ائله بیر یئرده دونیایا گتیردیم کی، هئچ زامان اوجا سس ایله گوله بیلمدین، بونا گؤره منی
باغیشلا!
اگر سن اوشاقلیغی اوشاقلیقدا، گنجلیگی گنجلیکده یاشایا بیل مدینسه، منی باغیشلا!
اگر اورک آچان رنگلرده پالتار گئیینمیرسنسه، منی باغیشلا! حؤکمه تابع اولوب، اؤمرونون ان آز یاشلاریندان باشینا قارا سالیب و قارا گئیینمیینه گؤره، منی باغیشلا!
بیر کره «اورا» چکیب، ال چالا بیلمدیینه گؤره، منی باغیشلا! سنی بیر یاریش تاماشاسینا آپارا بیلمدییمه گؤره، منی با غیشلا!
حؤکمه گؤره هر یئرده کیشیلرین آرخا سیراسیندا ایلشیب، اونلاردان قاباق و یاخود اونلارلا چیین-چیینه ایلشمهیه ایجازهن اول مادیغینا گؤره، منی باغیشلا!
سنی نه تام اینسان، بلکه ده یاریم-اینسان کیمی سنه حاق وئریلهن بیر یئرده دونیایا گتیردییمه گؤره، منی باغیشلا!
سنی اؤز آجیلاریما، میشت چتینلیکلرینه و یوخسوللوغا شریک ائتدییمه و سنه یاراشمایان بئله سؤنوک، رنگسیز حیاتا گؤره، منی باغیشلا!
آنجاق قیزیم، صبر ائله، اومیدوار اول کی، بیر گون اولاجاق، سن ده دونیانین باشقا اؤلکهلرینده یاشایان قیزلار کیمی حاق لی، هو قوق لو شخص اولاجاقسان، اوندا فی کیرلرینی دیله گتیرهجکسهن، باغیراجاق سان، اوجا سس ایله گولهجکسهن، ماهنی اوخویا، نغمهلره
قولاق وئره بیلهجکسهن.
گؤزل قیزیم، اگر منه اینانیرسانسا، بو اومیدلره ده اینانمالیسان. گرک ایناملی اولاق. سن اوریینین سؤزلرینی منه دئ.
چونکی من ایللر و عصرلر بویو صبر داشی اولموشام. من بو قادین یاشاییشیندا یانیب مؤهکملنمیشهم. من ده قیز اولدوغوما گؤره چوخ سؤزلردن و چوخ آرزولاردان ال اوزموشهم. اما یئنه ده دایانمیشام. گؤرورسهن کی، من کئچمیشیمدن اوتانیرام. چونکی اؤزومو تا نیمیشام و اؤزومه اینامیم اولوبدور. من باشقالارینا دئییلدیی کیمی، ضعیف، یالانچی، حیلهگر، یالتاق، چوخ دانیشان، چوخ خرجلهیهن، دوشونجهسیز، عقلسیز اولمامیشام. من آنا اولدوغوما گؤره فخر ائدی رم. بونلاری تک سنی سئویندیرمک اوچون یوخ، سنی سئودییم اوچون دئییرم. منه اینان و نهایت، اؤزونه اینان. صاباحین تا ریخینی سن یازاجاقسان، سن یاراداجاقسان. بو بارهده آرتیق دوشون...
تاریخ
2020.04.23 / 10:17
|
مولف
آینورا مممدووا
|