کولت. آز کریم مشروطه چینین شئیرینی تقدیم ائدیر:

بیرگورچین كیمی دنسیزله‌میشم
بولبولــــم یازدا چمن سیزله‌میشم

اسكیــدن شانلی شرفلی ائلیدیم
دوشمنه قارشی آمانسیز سئلیدیم
زیروه سی چنلی دومانلی بئلیدیم
ایندی موددتدی كی چنسیزله‌میشم

منــــده اردملی اَرنلر واریمیش
ستارا بابــــــكه تای‌لار یاشامیش
اوقــــدر ائلجه‌ بیلن‌لر یاشامیش
اینـدی من ارسیز ارن سیزله‌میشم

دردمین یوخ آدی عنــوانی دئسم
حئیرته قالـــدیریر اینسانی دئسم
باشقا بیــر سؤزله بو معنانی دئسم
اؤز دیاریم‌ده وطن سیزله‌میشم

درد منی یاندیریر آنما اودو یوخ
اونلا آغزیمدا حیاتین دادی یوخ
دئمیرم دردلر ایچینده آدی یوخ
دئییـــرم من بئله من سیزله میشم

ای منیم منلیگیم ایمدادیمه یئت
دور گه بیر منله قوووش دادیمه یئت
منی باس باغـــرینا فریادیمه یئت
بیلمیسن كی نئجـــه سنسیزله میشم،