بو گون سئویم‌لی خالق شاعریمیز، شئیرلری ایله اورکلره یول تاپان، قلبلری ریققته گتیره‌ن داهی سؤز اوستادیمیز بختیار واهابزادنین وفاتین‌دان اون بیر ایل اؤتور. دوشونه‌ن و دوشون‌دوره‌ن شاعریمیز! یوخلوغونوز ادبیاتیمیزدا بؤیوک بیر بوشلوق کیمی هله ده هیسس اولونماق‌دادیر... الله سیزه قنی-قنی رهمت ائل‌سین!

کولت. آز بختیار واهابزادنین "بختیارام من" آدلی شئیرینی تقدیم ائدیر:

اؤمرون پاییزین‌دا سئودیم، سئویلدیم،

ائله بیلیرم کی، ایلک باهارام من.

آرخانجا سورونه‌ن کؤلگه‌نه‌م سنین،

هاردا قرار توت‌سان، اوردا وارام من.

مئی اولسان، یانین‌دا بیر قده اوللام،

گول اولسان، چترینی اؤپ‌ن مئه اوللام.

اوت اولسان، بیر آندا دؤنوب شئه اوللام.

داغ اولسان، زیروه‌نه یاغان قارام من.

باشی‌می قویارام گون‌ده یوز کره

بیر یول آیاغینی باسدیغین یئره.

عشقین‌دیر اوجال‌دان منی گؤیلره،

بو عشقین گوجونه میننتدارام من.

سئوگییه حد قویماق، دوزو، گوناه‌دیر،

جاهیلین هر ایشی، سؤزو گوناه‌دیر.

عشقی گوناه سایماق اؤزو گوناه‌دیر،

کیم دئییر، عشقیم‌ده گوناهکارام من؟

اؤزون بیر عالم‌سه‌ن، عشقین بیر عالم،

سن اولان کؤنول‌ده نه کدر، نه قم!

سن‌سیز بو دونیانین ان بدبختییه‌م،

سنینله دونیادا بختیارام من...