اوکراینانین هجومو: اوشاقلار بلگوروددان چیخاریلیر
17:02
آنا صحیفه ادبیات |
کولت. آز گونئیلی شاعر جواد فضلینین(یانار) "سلام اولسون" آدلی شئیرینی تقدیم ائدیر:
هر کیم تورکو سئون اولسا
سئونلره سلام اولسون
تورکون دردین بیلن اولسا
بیلنلره سلام اولسون
تورکون ایستی قانی واردی
آدلیم شهرت شانی واردی
چوخ عالیم یازانی واردی
عالیملره سلام اولسون
بابک تورکون قهرمانی
کوراوغلو اونون اسلانی
ایگید اوغلو ستارخانی
ایگیدلره سلام اولسون
خوشکنابین شهریاری
حیدربابا یادگاری
بولود قاراچورلو یاری
شاعرلره سلام اولسون
دؤیوش واختی باکریلر
ووروشوب جاندان گئچدیلر
بولار تورکه تاریخدیلر
تاریخلره سلام اولسون
بوجور ائله نماینده
اولمالیدی اؤز شانینده
غیرت قانی دامارینده
جوشانلاره سلام اولسون
باخین تورکون ائللرینه
بوکولمه ین بئللرینه
(یانار)یازان دیللرینه
تورک دیللره سلام اولسون
تاریخ
2020.02.17 / 22:38
|
مولف
Axar.az
|