Axar.az
یوخاری
3 آپرئل 2020


من سئومیی باجارمادیم - شئیر

آنا صحیفه ادبیات
12 Punto 14 Punto 16 Punto 18 Punto

کولت. آذ آذربایجانین شاعری آشقین یئنی‌سئیین " من سئومیی باجارمادیم" شعیرینی تقدیم ائدیر
دیریلر اؤلولره قوللوق ائتمکدن تنگه گلیب
سئوگیلر آیریلیقلارین کؤله‌سینه چئویریلیب
گؤزو یول چکن هر شئیین آدی سئوگیدی
باش شامان بئله سؤیله‌دی
و سکوت بورودو بوتون مبه‌دی.

ایندیکی زامان اؤز یاخاسینی کئچمیش زامانین الین‌دن آلماق ایستییر.
دیریلر اؤلولره قوللوق ائتمکدن تنگه گلیب.
سئوگیلر آیریلیقلارین کؤله‌سینه چئویریلیب.
بوتون اومیدلر اؤلوب، اوزینه نؤوبتی کؤرپه اورکلر جوجریب.
من سنه یاخشی‌لیق‌دان باشقا هئچ بیر پیس‌لیک ائتممیشدیم.
گؤزلرینی اللریمله یومموشدوم، اؤزومو سن‌ده اونوتموشدوم
قولاغینا اوزونؤمورلو سؤزلر پیچیلدامیشدیم...

سنه خیانت ائد‌ن دوستلارا خیانت ائتمک لازیم‌دی دئمیشدیم.
اینسان بزه‌ن جزادان اؤترو داریخیر
و جینایت تؤره‌دیر
شوبهه‌لی گؤرکمیله
اؤزونو جانی کیمی گؤستریر
او، جزا چکمک‌دن زؤوق آلیر.

اصلین‌ده، سونونجو اومید یوخ، سئوگی اؤلور.
داغدا بیتمیش تک آغاج‌دان هر ایل پاییز کولیین‌ده
نه قدر یارپاق تؤکولور.
سن سویوق‌سان، سن سازاق‌سان،
سن اؤزونو من‌دن قوپاران سون یارپاق‌سان.
سن ده ایندی هامی کیمی چوخ اوزاق‌سان، چوخ اوزاق‌سان.
بلکه ده، هئچ داها یوخ‌سان، داها یوخ‌سان.

من ایندی قوجایام، «هئچ واخت و هئچ کیم» هیس‌سینه قاپیلمیشام.
بیر واخت سنین گؤزلرینی یومدوغوم اللریمله
ایندی اؤز گؤزلری‌می یومموشام.
هئچ اؤزوم ده بیلمیرم کیمی اونوتموشام.
ایندی اونا بده‌نیمین سول کونجون‌ده یاس توتموشام.
هئچ بیلمیرم، کیمه‌م، نیه‌م، ندیر آدیم؟

بیرجه اونو بیلیرم کی، بو حیات‌دا
آیری‌لیقلارلا یاشادیم،
من سئومیی باجارمادیم.

تاریخ
2020.02.22 / 16:39
مولف
Axar.az
شرح لر
دیگر خبرلر

وئرمییدیم کاش کی سنی…- شئیر

اوزونتو و آغری فلسفه سی فضولینین شعرلرینده- اسماعیل خرمی

بوغولان ال‌لرین ائشیر تورپاغی... - مسعود آذر

تنها قالسان بیر اوتاق‌د - شعیر

ایسته‌سه‌ن گئتمره‌م، کؤله‌ن اولارام - شئیر

نه سن کیرییرسن، نه یاغیش کسیر

ائشیت‌سه‌م گلیرسن، اوچارام، اینان- شئیر

اورک قیلینج چکیر قیشینا بیر ده - شئیر

شهریارین ایزی ایله - بیر شئیرین تاریخچه‌سی

دؤیوشه‌ن تورک، اویانان تورک، قالخان تورک! - شئیر

خبر خطّی
 
Axar.az'da reklam Bağla
Reklam
Bize yazin Bağla