کولت. آذ جابیر نووروزون "گئجیکمیش محبت" آدلی شعیرینی تقدیم ائدیر:

سن گیزلی گلمی‌سن عمرومه، اینان،
بو گیزلی عشق ایله یاشایاجاغام.
دونیانین ان آغیر یوکو ساییلان،
گئجیکمیش محبت یاشایاجاغام.
سن منیم حمروم‌ده آچان چیچکسه‌ن،
اونو اورییم‌ده بسله‌یه‌جه‌یه‌م.
سن منی هئچ زامان گؤرمه‌یه‌جک‌سه‌ن،
من سنی هر زامان گؤزله‌یه‌جه‌یه‌م.

اوزاق‌دان گؤز قویوب گؤزونه سنین،
سانکی گؤره‌جه‌یه‌م اللهیمی من.
دوشوب قاریش-قاریش ایزینه سنین،
ازبرله‌یه‌جه‌یه‌م یوللارینی من.

سنی ذره-ذره کشف ائد‌جه‌یه‌م،
سنی میلیون کره کشف ائد‌جه‌یه‌م.
ارینی اوغلونو اؤیره‌نه‌جه‌یه‌م،
رنگینی، قوخونو اؤیره‌نه‌جه‌یه‌م.

هر گونو آدینلا باشلایاجاغام،
هر گونو آدینلا بیتیره‌جه‌یه‌م.
سنی رؤیالاردا اوخشایاجاغام،
سنی خیاللاردا ایتیره‌جه‌یه‌م.

سن منی هئچ زامان دویمایاجاق‌سان،
من بوتون اؤمرونو ایزله‌یه‌جه‌یه‌م.
سن منه محل ده قویمایاجاق‌سان،
من سنی همیشه سسله‌یه‌جه‌یه‌م.

هر گون منیم اوچون دوغولاجاق‌سان،
هر گون منیم اوچون یوخ اولاجاق‌سان.
منیم سئوینجیم ده سن اولاجاق‌سان،
منیم کدریم ده سن اولاجاق‌سان.

من سنین آدینا هر ساعت، هر آن
قلبیم‌ده مکتوبلار یوللایاجاغام.
سن هئچ واخت فیکریم‌دن چیخمایاجاق‌سان،
من هئچ واخت یادین‌دا قالمایاجاغام.
بئله‌جه هسرتله قوجالاجاغام،
بئله ائن‌جه‌یه‌م، اوجالاجاغام.

کئچیب هر آلوودان، کئچیب هر اوددان.
بؤیوک عذابین‌دان شاد اولاجاغام.
سن منه حیات‌دا ان دوغما آدام،
من سنه یاددان دا یاد اولاجاغام

سن عمر ائد‌جک‌سه‌ن آیری آداملا،
من کیمه‌م، نچییه‌م بیلمه‌یه‌جک‌سه‌ن.
بیر گون بو دونیادان سنین آدینلا
کؤچوب گئده‌جه‌یه‌م بیلمه‌یه‌جکسن...