کولت. آذ آذربایجانین مشهور شاعری حسین عاریفین "آنالار" آدلی شعیرینی تقدیم ائدیر:

ائله کی، بالالار گلیر دونیایا،
او گون‌دن هئی اؤلچوب، بیچیر آنالار.
ماهنی دا اوخویور، شعیر ده دئییر
بسته‌کار آنالار، شاعر آنالار.

دؤزور هر عذابا او بیله-بیله،
یاشاییر، سیررینی سالمادان دیله.
واخت اولور، قالدیریب آغینی بئله
شربت اوزینه ایچیر آنالار.

اونودوب ایللرین یورغونلوغونو،
حیات‌دا دینجلیگی، ائوده یوخونو،
سئوینجین آزینی، غمین چوخونو،
یوکون آغیرینی سئچیر آنالار.

آلنین‌دا زامانین آچدیغی قیریش،
باشینا قار تؤکور، قار الییر قیش.
اودون ایستی‌سیندن آرالانمامیش،
سویون سویوغوندان کئچیر آنالار.

اؤزوم ده بیلمیرم، حسین، نیه
باشیمین توستوسو چکیلیر گؤیه؟
تورپاقمی آناسیز قالماسین دئیه،
تورپاغین قوینونا کؤچور آنالار؟