کولت. آذ «ساری گلین» افسانه‌سینی تقدیم ائدیر:
گئرچک سئوگی حکایه‌سی، گئرچک سئوگیلر اوچون...

اوزاق‌دان گلن یانیق‌لی بیر نئی سسی اینسانی خیاللار عالمینه آپاریر. بیر تورکودور نئیله ایفا اولونان. ایچین‌ده سئوگی، خیانت، صادق‌لیک و دؤنمزلیک اولان فاجعه‌لی بیر حادثه‌نی یادداشلارا یوز ایللردیر کی، هکک ائد‌ن و کیم‌سه‌نین اونوتماسینا ایمکان وئرمه‌یه‌ن بیر تورکو. تورکون اؤزو کیمی بؤیوک بیر سئوگینی ابدیلش‌دیره‌ن تورکو. بو سس‌ده بیر مؤهتشه‌م‌لیک، بیر اسرارنگیز سئهر گیزلی‌دیر. ائله بیر تورکودور کی، اوزرین‌ده داشیدیغی او درین معنانی آنلامایان، ساده‌جه آنلاماغا گوجلری چاتمایاجاق بعضی «یاریم میللتلر» بئله بو تورکونو اؤزلرینینکی ائتمک ایستیرلر. بو ائله بیر تورکودور کی، اورکلری پارچالایان بیر گئرچک عشق حکایه‌سینی یاشاداراق، بوزقیرلاردان اس‌ن یاریمچیق بیر تورکو کیمی قلبلری پارام پارچا ائدیر. بو «ساری گلین» تورکوسودور.

هر تورکو بیر گئرچک حکایه‌نی یاشادان کیمی، اونون دا بیر آجی داستانی وار. بیر تورکون اؤلمز سئوگی‌سی حاقین‌دادیر! گئرچک سئوگینین اؤلمز اولدوغونو ثبوت ائد‌ن ان باریز نومونه کیمی! بیر تورکون اوریینه و روحونا تام موطلقی حاکم اولان بؤیوک بیر سئوگی داستانی‌دیر! اؤرنک‌دیر...

بیر گون اؤولییا و عشق یولونون ان اوستاد مورشی‌دی شئیخ ابدولقادیر گئیلانی (ک.س.) هزرتلرینین موریدلرین‌دن سنان، پیری-مورشیدین‌دن ایجازت آلیب، ایسلامین عشق خزینه‌سینی تبلیغ ائتمک اوچون یولا چیخماق ایستدیینی سؤیلیر. شئیخ طلبه‌سینه اؤیود-نسیهت وئردیک‌دن سونرا، آلنین‌دان اؤپوب خئییر-دعاسینی وئرر. و سنان سئویم‌لی اوستادینین علین‌دن اؤپ‌رک، بیر داها اصلا گئری دؤنوشو اولمایاجاغی بیر یولا روان اولار...

یولا دوشه‌ن سنان ارزوروم جیوارین‌دا بیر درویشه راست گلیر. بیر یئرده داوام ائتمک قرارینا گلرلر. دئیی‌لنه گؤره، اوزون یول قت ائتدیک‌دن سونرا کور چایینا چاتیرلار. قوجا درویش گنج و قوت‌لی سنان‌دان چایی کئچمک‌ده کؤمک ائتمه‌سینی ایستییر. خاسهیش ائدیر کی، اونو بئلینه آلیب قارشی ساحله کئچیرسین. لاکین سنان ایمتینا ائدیر. درویش ده، «من‌دن اسیرگدیین چینینه، دونوز بالالاری مین‌سین!» دئیه بددوا ائدیر. او زامان سنان بو قوجا درویشین دعاسینا اورک‌دن گولور..

چایی کئچدیک‌دن سونرا هر ایکی‌سی خریستیان قیپچاقلارین‌دان پئنئک بیین اویماغینا چاتارلار. پئنئک بیین ده گؤزل بیر قیزی وار. ائله بیر قیز کی، بوتون تورک اویماقلارینا اؤز گؤزل‌لیگی ایله آد سالیب. قیپچاق گؤزه‌لی، تورک ایرقینین ان یاراشیق‌لی بویلارین‌دان اولان قیپچاقلارین ان گؤزل جیزگیلرینی سانکی اؤزون‌ده جمعله‌ییب: ساریشین، آغبه‌نیز، ماوی گؤزلو، هون‌دور بوی‌لو، آهو گردان‌لی. تورک بیلری، ایگیدلری بو قیزین بیر تبسسومو اوچون دونیانی یاندیرارلار. سنان بورادا اؤز قارا سئوداسینی تاپار. آشیق اولار...

سئوگی‌دن آغلینی ایتیره‌ن سنان، باجاردیغی قدر پئنئک بیین موسافیرپرورلیین‌دن ایستیفاده ائتمه‌یه چالیشیر. لاکین آیری‌لیق واختینین دا گئج-تئز گلجیینی بیلیر. عشق درگاهینین سیررلر حاکمی اولان مورشی‌دی گئیلانی‌دن (ک.س.) سئوگینین نئجه بیر بلا اولدوغونو بیلیر سنان. سئوگی اینسان‌دا نه قورور بوراخیر، نه عقل! بونا اونا گؤره سئوگی دئیرلر ذاتاً...

سنان پئنئک بیین یانین‌دا قالیب چوبان‌لیق ائتمک قرارینا گلیر. تکی سئودیینی گون‌ده بیر دفعه اولسا بئله اوزاق‌دان گؤره بیل‌سین. اونون گول جامالینا باخ‌سین. دعا ائدیر سنان. اهد ائدیر. قادیر مؤولامیزدان اونون سئوگی‌سین‌دن بو گؤزلین ده اوریینه سالماسینی دیلییر. مؤولا اونون دعاسینی قبول ائدیر، قیزین دا اوریینه سنانین سئوگی‌سینی سالیر. و بئله‌لیکله عشق، بؤیوک شئیخین موریدینی خریستیان بیین دونوز چوبانینا، خریستیان بیین قیزینی ایسه موسلمانا چئویریر. الله (ج.ج.) نیه قادیر دئییل کی؟...

۷ ایل بئله‌جه کئچیر...

عشق درگاهینین اب‌دی مورشی‌دی شئیخ ابدولقادیر گئیلانی (ک.س.) هزرتلری سئویم‌لی طلبه‌سینین باشینا گلن بو حادثه‌دن خبر توتار. چوخ اوزولور هز. علینین (آ.س.) سیررلرینین امانت‌چی‌سی اولان مورشید. چوخ کدرلنیر. امر ائدیر کی، ۴۰ موری‌دی یولا دوشسون، طلبه‌سینی گؤتوروب یانینا گتیرسین! گرکرسه سئودیی قیزی دا اؤزلری ایله گؤتورسونلر! یا اونلارلا قاییت‌سینلار، یا دا هئچ دؤنمه‌سینلر!

موریدلر سئوگی‌لی شئیخلرینین امرینه مونتزیر اولاراق، همه‌ن یولا دوشرلر. اودا اؤزونو فدا ائد‌ن پروانه تک، اؤلومه دوغرو سئوه-سئوه قوشارلار. شئیخلرینین امرینی یئرینه یئتیرمک، قارداشلارینین ایمدادینا یئتیشمک اوچون گئجه-گوندوز یول گئدرلر. و سنانی نهایت دونوز گوددویو یئرده تاپارلار...

سنان شئیخین اونو چاغیردیغینی ائشیدیب سئوینر. سئوگی‌لی مورشی‌دی اونو اونوتماییب. اونون دردین‌دن حالی‌دیر. قارداشلارینی اونون کمکینه گؤندریب. لاکین، سئودیی اولمادان دا گئده بیلمز سنان. قارداشلارینا او جور ده جاواب وئریر. موریدلر ائله اوراداجا بیر قاچیش یولو هازیرلایارلار. سحر تئزدن سنان اؤز سئودیینی قاچیریب موریدلرله بیرلیک‌ده سرعتله آتلاری قارلی داغا دوغرو چاپارلار.

بیر قدر سونرا آشیقلرین یوخا چیخدیغینی باشا دوشه‌ن قیپچاق بیینین آداملاری، بوتون قونشو کندلرده آختاریشا باشلاییرلار. بیر شئی تاپا بیلمه‌یه‌جکلرینی آنلاییب، آتلارینین یؤنونو داغا طرف دؤندریرلر. آشیقلر و موریدلر تعقیب ائدیلدیکلرینی آنلاییب داغین جنوب یاماجینا دوغرو سیخیلیرلار. لاکین، تعقیب ائد‌نلر اونلاری بورادا هاقلاماغا مووففق اولورلار. آرالارین‌دا قان‌لی بیر ساواش اولور. سئوگی یولونون یول‌چولاری اؤز جانلارینی سئوگی اوغورونا فدا ائدیرلر...

دئیی‌لنه گؤره، بو گونکی «اللهو اکبر!» داغی، اؤز آدینی، شئیخلرینین امری ایله آشیقلری گئری قایتارماغا گؤندریلمیش همین ۴۰ شهید موجاهیت موریدین و آشیقلرین، ساواشا آتیلارکه‌ن گتیردیکلری «اللهو اکبر» نیدالارین‌دان آلیب. اونلارین مزارلاری بو گون ده زیارت ائدیلر، «۴۰ شهید مزارلیغی» دئییلر او یئره. سئوگینین، موباریزلیین، دؤنمزلیین، وفانین، اؤلومه قالیب گلن عشقین سیمگه‌سی کیمی...