کولت. آذ بختیار واهابزادنین "عؤمور" آدلی شعرینی تقدیم ائدیر:

دئییرلر، چوخ آزدیر یوز ایل، اللی ایل،
اینسانا بیر عؤمور کیفایت دئییل.
هله ایسیتممیش اؤز یئریمیزی
اؤلوم جللاد اولوب هاقلاییر بیزی.

دئییرلر، شیرین‌دیر دادی دونیانین،
کاش ایکی اولای‌دی اؤمرو اینسانین.
نولا، چالیشسایدیق اؤمرون بیرین‌ده،
سونرا ایلنیدیک بیز دیگرین‌ده.

هره اؤز اؤمرونه بیر جوره باخمیش،
هره بو دونیانی بیر جوره آنلار.
جهان‌دا بس ندن زؤوق آلاجاقمیش
زحمتین اؤزون‌دن زؤوق آلمایانلار؟

یوز-یوز عؤمور بئله آزدیر دوغروسو
بیر اؤمرو اینسانا آز سایانلارا
حرام‌دیر بو هاوا، حرام‌دیر بو سو
ایله‌نمک عشقیله یاشایانلارا.

یاشاماق، یانماق‌دیر، یاناسان گرک،
حیاتین معناسی یالنیز اوندادیر
شام اگر یانماسا، یاشامیر دئمک
اونون دا حیاتی یانماغین‌دادیر.

عمرو آز اولسا دا، قارتال یئنمه‌دی
دئدی، سمالاردا اؤز اویلاغیم وار.
اؤمرون آزلیغین‌دان گیلئیله‌نمه‌دی
اؤمرو اینسان کیمی باشا وورانلار.

«بو دونیا بئش گون‌دور»،- دئییب هر یئرده
ساغ ایک‌ن قبیرده اوزانان دا وار.
اؤز آلین تریله بیرجه عؤمورده
یوز اینسان اؤمرونو قازانان دا وار...