آنا صحیفه ادبیات |
بو گون گؤرکملی ادیبیمیز جعفر جبارلینین آنادان اولماسیندان ۱۲۱ ایل کئچیر.
کولت. آذ جعفر جاببارلینین "من بیر سوسماز دویغویام کی..." آدلی شئیرینی تقدیم ائدیر:
من بیر سولماز یارپاغام کی، چیچکلری بزریم،
من بیر سوسماز دویغویام کی، اورکلری گزریم.
من سنینچین اؤمروم بویو جفالارا دؤزریم،
سنسیز گوللر آچیلماسین، آخار چایلار دایانسین،
اوخو، بولبول، بلکه یاریم اویانسین!..
من بیر سؤنمز اولدوزام کی، دایم ایشیق ساچاریم،
من بیر اویناق بولبولهم کی، گولدن-گوله اوچاریم،
من بیر ساقلی عالمهم کی، سئوگیلردیر آچاریم.
سنسیز گونش گؤرونمهسین، قارالارا بویانسین،
اوخو، بولبول، بلکه یاریم اویانسین!..
من سنینچین شفقلردن سوسلو بیر تاج یاپاریم،
یول وئر منه، گول درمیشهم، سئودیگیمچین آپاریم!
آرار، آرار، آرار، آرار، آخیر سنی تاپاریم؛
سنسیز سولسون گؤی یارپاقلار، آخار سولار بولانسین،
اوخو، بولبول، بلکه یاریم اویانسین!..
تاریخ
2020.03.20 / 16:00
|
مولف
Axar.az
|