کولت.آذ کاتب اوغلونون «البت» آدلی شعیرینی تقدیم ائدیر:

انسان اوغلو دونیا اکین باغیدیر
اکدیکلرین بیرگون بیچرسن البت
خیال ائتمه زایا گئدیر تلاشین.
مکافات باده سین ایچرسن البت

سخاوت زینتدی سخی اولانا.
یوخسولو دوشگونو یادا سالانا.
یاردیم ائیله دوشوب یئرده قالانا..
سنده بیرگون یئره دوشرسن البت

گوؤنمه بش گونلوک ثروته پولا
سن احسانین ائیله باخما ساغ سولا
اینانما دونیادا کیمسه لر قالا
وقتی گلسه سنده کؤچرسن البت

سخاوت اوجالدار سخی انسانی
مومن اولان الدن وئرمز زامانی
قورولاندا حققین محشر دیوانی
واریندان یؤخوندان گئچرسن البت

کاتيب اوغلو آباد اولسون یوواسی
دولماسین داشلارا یولو جاداسی
نامردین جانینا مردین قاداسی
عارف اولسان سؤزو بیلرسن البت