کولت. آذ روسلان موللایئوین «چوبانیاستیغی» آدلی قیسا حکایه‌سینی تقدیم ائدیر.

دقیق خاطیرلاییرام: قاتار تلسمه‌دن کندیمیزه یاخینلاشیردی. آرابیر یول بویو شاخه‌لنه‌ن آغاجلارین کؤلگه‌سی اوزوموزه دوشوردو. باخان‌دا آداما ائله گلیردی، سانکی گونش اوزوموزه دوشه‌ن قارا لکه‌لری سیلیر. بو دفعه پنجره‌دن سئوینج هیس‌سی ایله باخیردیق، چونکی محاربه‌دن خلاص اولموشدوق! اکین ساحه‌سین‌ده اتکلرینی قاتلامیش قیزلار بیزی گؤروب ال ائل‌دیلر. اونلارین ایچین‌ده اؤزوموزله گتیره بیلمدییمیز عسگرلرین سئوگی‌لیلری ده واردی. بونو باشلارینی قالدیرمادان ایشلرینه داوام ائتمه‌لرین‌دن بیلدیک.

- اوشاقلار! - دئییب، دیگر عسگرلری ده چاغیراراق بوتون نفس‌لیکلری آچدیق: شهلنمیش گول قوخوسو، سرین کولک قاریشیق، واگونلارا دولدو...