۱۹۵۵-جی ایلده کلبجرده خالق شاعری صمد وورغونلا بؤیوک ائل صنعتکاری آشیق شمشیر گؤروشور.

گؤروش سونرادان اصل افسانه‌یه چئوریلیر. صمد وورغونلا آشیق شمشیر حتی او گؤروش‌ده دئییشیرلر ده…

صمد وورغونون سونرادان «اونوتماز بو اوبا، بو محال منی» میصراعسی ایله باشلایان قوشماسی دا همین دئییشمه‌نین ترکیب حیصه‌سی‌دیر.

۱۹۵۵-جی ایلده صمد وورغون خسته ایدی و اوریینه نسه داممیش‌دی. اودور کی، فورصت‌دن ایستیفاده ائدیب آشیق شمشیره بو وصیتینی بیر بندله دئییر و او بند سونرادان دیلر ازبری اولور:

آشیق شمشیر، دلی داغ‌دان کئچه‌ن‌ده
کک‌لیک‌لی داشلاردان خبر آل منی.
جئیران بولاغین‌دان قیزلار ایچنده،
ساز توتوب، سؤز قوشوب یادا سال منی.
کولت. آذ ایکی ائل صنعتکارینین دئییشمه‌سینی ده تقدیم ائدیر:

صمد وورغون

آشیق شمشیر، دلی دادان کئچنده
کک‌لیک‌لی داشلاردان خبر آل منی.
جئیران بولاغین‌دان قیزلار ایچ‌ن‌ده
ساز توتوب، سؤز قوشوب، یادا سال منی.

آشیق شمشیر

قوشقارلا یاناشی دوران باشین وار،
بیزیم ائل تانیییر اوجا داغ سنی.
یانیر یولوموزدا صنعت چیراغین،
بیلیریک شئیرده بیر مایاک سنی.

صمد وورغون

های ووروب، قیی ووروب، سس سال داغلارا،
گؤزللر اویلاغی گؤی یایلاقلارا.
منیم بو دردی‌می دئ اویلاقلارا،
سینه‌م‌دن اوخلادی بیر مارال منی.

آشیق شمشیر

ازل‌دن باشین‌دا جمع اولوب کمال،
سنی اوغول کیمی سئویر ائل، محل.
آزاد اؤلکه‌میزده هر زامان اوجال،
ایستییر کؤنلوموز بو سایاق سنی.

صمد وورغون

او جئیران باخیش‌لی باخ‌دی اوزاق‌دان،
جانی‌می اودلارا یاخدی ناحاق‌دان.
یوز ایل ده دولانیب کئچ‌سه او واخت‌دان،
اونوتماز عالم‌ده اهلی-حال منی.

آشیق شمشیر

سن کامیل صراف‌سان، گؤز اوستادیسان!
فهمین، فراستین اؤز اوستادیسان!
قابیل صنعتکارسان، سؤز اوستادیسان:
دریاسان، آرزولار مین بولاق سنی.

صمد وورغون

گلمیشه‌م، گزمه‌یه سیزین داغلاری،
باخیم بو یایلاقلارا دویونجا باری،
شاعرین بو یئره دوش‌دو گوزاری،
گؤزل قارشیلادی خوش ایقبال منی.

آشیق شمشیر

گونبگون گول آچیر واقیفین باغی،
بیر چوخ شاعرلرین آنا تورپاغی.
صمدین مسکه‌نی، شئیرین اوجاغی،
کمالا یئتیریب او قازاخ سنی.
صمد وورغون
بخت منی بو یئره قوناق گؤندردی.
گئدیرم، یامان‌دی آیری‌لیق دردی.
دئمه، صمد وورغون گل‌دی-گئدردی،
اونوتماز بو اوبا، بو محل منی.

آشیق شمشیر

شمشیرله گؤروشون قال‌دی یادیگار،
اونوتماز نه قدر جانین‌دا جان وار.
سن‌دن درس آلماغا دیاربدیار –
گزیرم علیم‌ده شام-چیراق سنی.