آنا صحیفه ادبیات |
کولت. آز شیخی نین "آذربایجان ناغیللاری" تئلئقرام کانالیندا درج ائدیلهن شعرینی دیرلی اوخوجولارینا تقدیم ائدیر:
اولایدی آللاهیم بیرده تزه دن
اوشاقلیق عالَمیم اوشاق اولایدیم
گَزَیدیم باغچادا چولده ، باییردا
بیتن چیچک لره بوداق اولایدیم
باتایدی الیمه گولون تیکانی
آنام سسله نَیدی " #آنانینجانی
#ایندیقورودارامبوآخانقانی "
آناما سویکه نیب دایاق اولایدیم
توپراغا باتایدیم ، توزا باتایدیم
اوینویا اوینویا راحات ، یاتایدیم
دونیانین فیکرینی باشدان آتایدیم
رویالار ایچیین ده اویاق اولایدیم
قیزلارا قاریشیب ائوجیک قورایدیم
ائوجیی اوچوردوب ، اوزه دورایدیم
ساواشیب چیرپیشب ، جانی یورایدیم
قیزلارین قارشین دا ، قوچاق اولایدیم
دونیانین ایش لری حئیرت دی ، حئیرت
"شئیخی"دای بس ائله ، چوخ یئمه حسرت
غنیمت بیلگی نن اولاندا فورصت
سونرالار دئمه کاش اویاق اولایدیم
تاریخ
2020.05.18 / 15:40
|
مولف
Axar.az
|