کولت. آز لاچینا حصر اولونان "آی لاچین" شئیرینی تقدیم ائدیر:

آراز آخار لیل ایله،
دسته-دسته گول ایله،
من یاری‌می سئویرم
شیرین-شیرین دیل ایله...
آی لاچین، جان لاچین،
من سنه قوربان لاچین...
باغچالاری ساری گول،
یاری قؤنچه، یاری گول.
گئج آچیلدین، تئز سولدون،
اولمایایدین باری، گول.
آی لاچین، جان لاچین،
من سنه قوربان لاچین...
یئری-یئری نیشان یار،
یئنی عشقه دوشه‌ن یار،
ائلچیلری قیریلمیش...
اؤزو ائلچی دوشه‌ن یار
آی لاچین، جان لاچین،
من سنه قوربان لاچین...
آلما آتدیم نار گل‌دی،
کتان کؤینک دار گل‌دی
قاپییا کؤلگه دوش‌دو،
ائله بیلدیم یار گل‌دی.
آی لاچین، جان لاچین،
من سنه قوربان لاچین...
سو آتدیم یارا دی‌دی
علیم دیوارا دی‌دی.
دیلیم منیم قوروسون،
نه دئدیم یارا دی‌دی.
آی لاچین، جان لاچین،
من سنه قوربان لاچین...
ائی علیم اودا یان‌سین
پروانه اودا یان‌سین
من یاندیم یار اوزون‌دن،
ائشیت‌سین او دا یان‌سین
آی لاچین، جان لاچین،
من سنه قوربان لاچین...