آنا صحیفه ادبیات |
کولت. آذ مشهور تورک شاعری اومید یاشار اوغوزجانین "منه بیر شرقی سؤیله" آدلی شعیرینی تقدیم ائدیر:
سسیندن اؤترو قریبسدیم،
نه اولار، دانیش -
بیر گول آچسین
کئچمیشین باغریندا!
زولمت ایچیندهیهم،
قاپقارا قارالمیشام،
گل،
بو گون گل،
گؤی ماویسیندن،
دنیز ماویسیندن
منه بیر شرقی سؤیله!
ایچیمده
بیر شئی قیمیلدانیر،
یورغونام،
یوخوسوزام -
گؤزلریم قان چاناغی،
باخسانا
نه حالدایام -
دلی-دیوانه...
هم یارالی،
هم چارهسیز،
هم اومیدسیزهم،
منه بیر شرقی سؤیله.
یاغیش اول - یاغ اوستومه،
گونش اول - ایسیت،
یار قارانلیغی ایشیقلار کیمی،
آل،
گؤتور منی اوزاقلارا،
لاپ اوزاقلارا،
سسین
آخسین ایچیمدن
ایرماقلار کیمی!
منه بیر شرقی سؤیله -
بیر-بیرینه قات
بوتون رنگلری،
ایچیندن
بورام-بورام
بیر تورونجو گتیر،
اؤتن یازدان.
سسین
آخسین ایچیمدن
ایرماقلار کیمی!
منه بیر شرقی سؤیله -
آستادان،
آغاپپاق سسله،
قار
نئجه هزین-هزین یاغارسا،
ائله.
بودور،
زولمت ایچیندهیهم،
قاپقارا قارالمیشام
حالیم آغلامالی،
گل،
ایندی گل،
هوزونلو سسینله
منه بیر شرقی سؤیله..
تاریخ
2020.05.23 / 15:47
|
مولف
Axar.az
|