یوخاری

سنی اونوتماریق بیز وطن آندیمیز کیمی!

آنا صحیفه ادبیات
12 Punto 14 Punto 16 Punto 18 Punto

کولت. آذ مینا رشیدین یئنی شعیرلرینی تقدیم ائدیر.

منیم دوغما وطنیم

آذربایجان آدلانیر
منیم دوغما وطنیم.
آذربایجان دیلی‌دیر
مئهریبان آنا دیلیم.

وطنیمین پایتاختی
یاراشیق‌لی باکی‌دیر.
مؤهتشه‌م قیز قالاسی
باکینین باش تاجی‌دیر.

دینیم ایسلام دینی‌دیر
وطنیم اودلار یوردو.
تورپاغی‌می قورویور
بؤیوک، گوج‌لو بیر اوردو.

بایراغیم

سنی ائنمه‌یه قویماز
دوغما یوردوم - دایاغیم.
هاردا قالیب اولوروق
دالغالانان بایراغیم!

سنه زیروه یاراشیر
ایگید ائلیم‌ده‌م گوج آل!
آذربایجان بایراغی،
باشیم اوستون‌ده اوجال!

سنی قورومالیییق
دوغما آدیمیز کیمی.
سنی اونوتماریق بیز
وطن آندیمیز کیمی!

آنا دیلیم

آنا دیلیم بال کیمی
دانیشماق‌دان دویمورام.
من اونو نئچه دیلین
ایچین‌ده قورویورام.

آنامین لایلاسییلا
من بوی آتیب بؤیودوم.
اونون شیرین دیلیله
فرهلنیب اؤیوندوم.

چوخ‌لو ناغیللار دئییب
ننه‌م بو دیل‌ده منه.
الیفبانی اؤیرندیم
من سئوینه-سئوینه.

چوخ سئویرم یوردومون
بایراغینی، هیمنینی
من سئویرم آنامی
هم ده آنا دیلی‌می.

بیزیم خالچامیز

گول‌لو ناخیش‌لی،
یاشیل‌لی، آللی.
خالچا توخودو
ننه‌م سایالی.

بیزیم خالچامیز
اوچاجاق ایندی.
ایچین‌دن آتلار
قاچاجاق ایندی.

بوردا دوه‌لر
دوزولوب یولا.
زینقیروولارلا
سس سالا-سالا.

بیزیم خالچامیز
نئجه عزیزدیر.
تاریخیمیزدیر،
کئچمیشیمیزدیر.

اوچار گؤیلره
سمادا سوزر.
بیزیم خالچامیز
دونیانی گزر...

قیز قالاسی

باشی گؤیلره چاتان
بیر قالام وار، معجزه...
بو سئهیرلی عابده
نلر سؤیلییر بیزه؟

ائله ووقارلا دوروب
عظمت سیموولودو.
بیر صنعت اینجی‌سی‌دی
ایچی سیرله دولودو.

گؤزل‌لیک‌ده تایی یوخ
ناغیل‌دی، افسانه‌دی...
آدی قیز قالاسی‌دی
او باکینین رمزی‌دی...

تاریخ
2020.05.28 / 13:50
مولف
Axar.az
شرح لر
دیگر خبرلر

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

آمریکا-دا حسین جاویدین آنیم گونو اعلان اولوندو

چیخیم یوللارینا سنه توش کیمی- شعیر

آنامین بوُینوندان آخان قانلا منیم گؤز یاشلاریم ...

گول آخشام دیر بولود آغلیر گوی اوستونده - شعیر

خبر خطّی
Axar.az'da reklam Bağla
Reklam
Bize yazin Bağla