کولت. آذ "گونوموزون گونئی آذربایجان ادبیاتی - پویزییا" آدلی گوشه‌سین‌ده گونئی‌لی یازار فریبا ایبراهیمی آفاق حاقین‌دا یازی تقدیم ائدیر:

۱۹۶۵-جی ایلده مشکین شهرین‌ده آنادان اولوب. عالی تحصیل و یوکسک لیسانس درجه‌سینی دوغولدوغو شهرده آلیب. اثرلری موختلیف درگیلرده درج ائدیلیب، ۲۰۰۰-جی ایلده "صاباحا یول" آدلی ایلک شعیرلر کیتابی ایشیق اوزو گؤروب. نسر ساحه‌سین‌ده ده یئتنک‌لی یازار کیمی تانینمیش فریبا ایبراهیمی آفاق، هم ده ایستعدادلی ر‌سام‌دیر.

ایران آذربایجانی تورکلرینین سوسیال مسئله‌لرینین حلین‌ده، حقوق-لارینین ساوونولماسین‌دا آکتیودیر و سویداشلارینین حاقلارینین پوزولما-ماسی اوغرون‌دا چالیشیر.

بیر دوداق نیسگیل

بوغولموش داملایام، سئل خیالین‌دا،
ائلده‌ن قوپاریلدیم ائل خیالین‌دا،
بیر حزین سئگاهام، سوکوتام، سسه‌م،
سازدان اوجالمیشام تئل خیالین‌دا.

آنام تک بو تورپاق اریییب جان‌دا،
دردینه قاتلاشدیم هر بیز زامان دا،
کوروغ‌لو یالقیزسا چن‌ده، دومان‌دا،
نیگار هاوالییام بئل خیالین‌دا.

کولکلر دلی‌دیر، من ایسه دولو،
دارانیر فیکریمین پریشان تئلی،
یئنه آراز آخیر سارای نغمل،
خان چوبان موغانی میل خیالین‌دا.

سؤزلریم کؤز تکین بیر اوجاق عشقه‌م،
گیزلی مهببته‌م، لاپ قاچاق عشقه‌م،
بیر دوداق نیسگیله‌م، بیر دوداق عشقه‌م،
بئله دوغولموشام گول خیالین‌دا.

سئویلدیم ائلیم‌ده، من سئوه‌جه‌یه‌م،
آلچاقلار گؤزون‌ده اولماز باش ای‌م،
بیر اوشاق اؤنون‌ده کؤورک اور‌یه‌م،
ظلمه قارشی توفان، یئل خیالین‌دا.

من اؤزوم ناغیلام، حیاتیم شئیر،
بو شعیر یاساق‌دا دیللردن دئییر،
وارلیق‌دان دانیشیر درددن سؤیلییر،
دانیلدی، اولمادی فعل خیالین‌دا.

سارال‌سا گوللریم، زوغ، کؤکوم ساغلام،
آلقیشلار ائلیمه، آلقیشلار، سلام،
سورسان کیم‌سه‌ن آفاق؟ - سؤیله آ بالام،
سیجیلیم‌دیر آنا دیل خیالین‌دا.