کولت. آذ خسته قاسیمین "اولماز" آدلی شعیرینی تقدیم ائدیر:

دلي كؤنول نه ديوانه گزیرسن
بی وفا دیلبردن سنه یار اولماز
دوز چیخماز ایلقاری، عهدی پیمانی
هرجاییدا ناموس، غیرت، عار اولماز

اوز وئرمه نادانا، سير وئرمه پیسه
آخیر قلبین یا اینجییه، یا کوسه
اوت بیتر کؤك اوسته، اصلي نه ايسه
يووشان بسلمكله چمنزار اولماز

وفالییا امک چکسن ایتیرمز
بد اصیل نصیحت، داؤيود گؤتورمز
قاباق تاغي، تر شاماما بيتيرمز
گؤي سؤيودده هئيوا اولماز نار اولماز

تكليف اولونماميش بير يئره وارما
نر اولماز مئيداندا هر بيغي بورما،
سئيراغيب آداما سن ياخين دورما
خائن چیخار، اوندا دوز ایلقار اولماز

"خسته قاسیم" گونو کئچمیش قوجادیر
گلن بزیرگاندیر گئدن خوجادیر
سرو آغاجی هر آغاجدان اوجادیر
اصلی قیتدیر، بوداغیندا بار اولماز.