ریضا براهنی 1935-جی ایلده تبریزده دوغولوب. او، ایران یازیچیلار بیرلیی نین عضوو و ادبییاتین تانینمیش سیمالاریندان بیریدیر.

آخار.آذ بیلدیریر کی, او, 1968-1966-جی ایللرده مشهور یازیچی جلال آل احمد ایله بیرلیکده ایران یازیچیلار بیرلیینی یارادیب.

اونون بیر چوخ کیتابلاری اینگیلیس, فرانسیز و ایسوئچ دیللرینه ترجومه اولوب.

رضا براهنی : "آرابا" شعیرینی فارسجا یازیلیب, ایسماعیل جمیلی تورکجه یه چئویریب.

خاطیرلاداق کی, ویدئودا شعیری رضا براهنی اؤزو سسلندیریر.

گؤز گؤره-گؤره ائویمیزیده آپاردیلار

ریضا براهنی

سؤکدولر یئریندن

قارمالادیلار قاپینی

آتدیلار بیر آرابا اوستونه آپاردیلار

حئیران-حئیران باخیر قاپی بوشلوغو

گونَش آلتیندا سوساییر

له هله یَن یالقیز ایت کیمی

اوتاقلاری آپاردیلار

یالقیز قالیب سینیق چیلار

بوش دیوارلار, بیرده اودوزموش پنجره لر

گؤز گؤره-گؤره ائویمیزی ده آپاردیلار

ایندی ایسه دویغولاریمیز

آزغین دوشه ن آریلار کیمی

بیر-بیر ایتکین پَتکله رینی آختاریرلار

سیرا ساوالانا گلدیکجه,

بو اوشاقلارلا داغین اَتَگینده

اَل-اَله وئریب سئیر ائدیردیک!

بیزی سایمادان ایشلرینه باشلامیشدیلار

ایتیردیلر له هله یه - له هله یه

ساوالانی دا قارمالادیلار,

آرابانین اوستونه آتدیلار

تبریزین اولدوزلارلا دوُلغون گؤیونده

سؤکوب آتدیلار آرابانین اوستونه

مینلرجه پارلایان تبریزلی گؤز

آرابانین اوستوندن هایقیریردی

آپاردیلار بیزی... آپاردیلار...

تبریز کندلری نین چیچکلری, آغلاییردیلار

اوندا کی اَرکی ده آتدیلار آرابا اوستونه

ایندی ایسه گونَشین سوراغینی آلیریق کور قاریلاردان

سن ایسه یوخسان,

چونکی گلیب سنی ده آرابا اوستونه آتدیلار,

آپاردیلار

سنسیز بو تورپاغی دونیادا نئینه ییریک بیز!

اویقودا دا زامانین اوزاقلاریندان

یوز مینلرجه آرابانین های-کویونو ائشیدیریک

بیر گله یدیلر,

بیزی ده آپارایدیلار!