کیمسه اؤز آنادیلینده دانیشماغی،یازماغی و اوخوماغی بیلمه سه ، ساوادسیز دیر(یونسکو)

کولت. آذ بهزاد بیات فرد(حسرت زنگانلی) نین " آنا دیلی "ایله باغلی یازدیغی یازینی تقدیم ائدیر:

دیل اویانیشی و آنا دیلی نین اؤزل لیگی و اؤیرنمه سی اؤنملی اولاراق او یئره چاتیر ۲۰-نجی قرنین سون آی لاریندا بیر گون دونیالیق آنا دیلی گونونه آدلاندی!

یونسکو نون آماجی بو ایش دن دونیادا دیل لرین چئشیدلی کولتورو نه و اوندا گیزله نن فولکولور لارین ایتمه سی و دیل لرین اؤلمه سی نین قاباغین آلماق دیر.

آنا دیلی حاققیندا نئچه یون دن موطالعه اولوب کیمسه اونا چئشیدلی آنلام لار اؤزلویوندن آچیقلاییب. بو آنلام لار آراسیندا منطیق دن و علمی اولان تعریف لر باشقالاریندان اؤنملی دیر.

علمی و منطقی تعریف لردن بیری سی بو اولاراق آنادیلی اوشاغین کیملیگی نی بللی ائدن دیل دیر، همن دیل کی اوشاق اونو آتا آناسیندان اؤیره نیر و او یئرکی یاشاییر اورانین بومی دیلی دیر.
آنا دیلی همن دیل دیر کی اوشاق اونو دوغال حیسه لر ایله اؤیره نیر و یاردیم ائتمک دن اوزاق او دیلده دانیشیر و اؤزونو تانیتدیریر.
همن دیل کی اونون دانیشماسیندا لهجه سی یوخدور و اونون دانیشماسیندا پرابلمی یوخدور.

زامان باخیش ایله آنا دیلی همن دیل دئیل کی آنا او دیلده دانیشیر. "آنا" سؤزو ایچ آنلام دان "آنادیلی"سؤزجوگونده 'کؤک و اساس' آنلامیندا اولموشدور.
بو اساس دا دئیه بیله ریک آنا دیلی هر شخصین اجدادی و کؤکو نون دانیشدیغی دیلی دیر ، بو اورتامدا اولابیلر شخص اؤز آنا دیلینده دانیشا بیلمه سین آما گئرچک دن اونون کؤکونده کی دیل اونون دیلی ساییلیر،اؤرنک اوچون بیر تورک اوشاغی بیرسیرا آخساقلیق لار اوستونده آتا آناسیندان فارس دیلین اؤیره نیب دانیشیر آما تورکجه دیلی اؤیرنمه ییب!

آنا دیلی کیمسه نین کیملیگی نی بللی ائدیر و دئیه بیله ریک اوشاغین شخصیتی نی و کوکونو بیلدیریر.
اوشاق اؤز آنا دیلینده احساس لارینی دیله گتیریب و او دیل ایله چرچئوه سی نی دوشونر.

آنادیلی نین اؤیرنمه سی شخصین اؤز کؤکو ایله و اؤته‌کده کی اولای لارایله علاقه ائدر.

بو سون ایل لرده موطالعه لر اساسیندا تدقیقاتچی لار بیلیب لر مغزی سکته لرده و آلزایمر نوخوشلوغوندا اینسان ایلک دفعه ایکینجی دیلینی اونودور،یانی آنا دیلی هئچ زامان شخصین بئینیندن چیخماییر.

تام علمی سندلر اوستوندن گون کیمی آیدین دیر اوشاق اؤز آنا دیلینده باشقا دیل لردن یاخشی اؤیره نه بیلر و اؤز بیلگی لرینه آرتیرار.

یونسکو سند لری نین اساسیندا اوچ مین دیل دونیادا یوخا چکیلمک و ایتمک خطرینده دیر لر.
بو اوچ مین دیل لر او دیل لر دیر کی:
۱. اوشاق لار او دیلی آنا دیلی عونوانیندا ائوده اؤیرنمه ییب آتا آناسی اونو اؤیرتمه ییرلر.

۲. بو اؤیتمه مک باعیث اولور اوشاق او دیلی اؤگئی دیل بیلیر و بو وضعیت (دیل بحران لاریندان)ساییلیر.

اومود او گون چاتا بیز تورک خالقی اوشاق لاریمیز اوخول لاردا اؤز آنا دیلیمیزده یازیب پوزا بیلسینلر و اؤز کیملیک لرین بوندان چوخ دویسونلار.
گلین بیرلیک ده اویانیش لاری او قده‌ر ائدک کیملیک لرین اونودان اینسان لار یولا گلسینلر و اونلاری اؤز آنادیلینه ماراقلاندیراق کی هایدگر موحقق و دیل بیلن دئمه لی: اگر بیر میلتین دیلی آرا دان گئتسه او میلت دونیا دان و تانری یاراتمیش اولوس لاردان پوزولور.