بو گون مشهور خواننده عالیم قاسیمووون آنادان اولدوغو گوندور.

مشهور خواننده عالیم همزه اوغلو قاسیموو ۱۹۵۷-جی ایل آوقوستون ۱۴-ده شاماخی رایونونون نابور کندین‌ده آنادان اولوب.

والیدینلری اونون موسیقییه و خصوصیله مغاما اولان ایستعدادینی اوشاق‌لیق‌دان بیلیبلر، آنجاق اونا موسیقی تحصیلی وئرمه‌یه ایمکانلاری یوخ ایدی. اللریندن بیر تک شئی گلیردی. دف دوزلتمک اوچون، آتاسی بیر کئچی کسمیش‌دی. بو دفعه، عالیمین بیرینجی موسیقی آلتی ایدی و بونونلا بیرلیکده او، گؤزل و هامی‌دان فرقلنه‌ن سسه صاحب ایدی.

داها سونرا او، باکی‌دا مغام مکتبینین ان تانینمیش و ایستعدادلی معلملریندن درس آلیب. ۲۵ یاشین‌دا عالیم، حیاتین‌دا بیرینجی مغام موسابیقه‌سین‌ده موفقیت قازانیب. او واختلاردا او، مغام صنعتینین، خصوصیله ده "تاراب" ژانرینین آراشدیرمالارییلا مشغول اولوردو.

عالیم قاسیموو هر بیر موسیقی صنعتکارینین نایل اولماغا چالیشدیغی موکافاتا لاییق گؤرولوب. او، ۱۹۹۹-جو ایلده او، بئینلخالق ایمج یونسکو موسیقی موکافاتینی آلیب.

مغام صنعتینی فرانسا، اینگیلتره، آلمانییا، بلچیکا، ایسپانییا، برازیلییا، هونگ کونگ، یاپونییا، ایران و آمریکا بیرلشمیش ایشتاتلاری کیمی اؤلکه‌لرده کنسرتلرله چیخیش ائد‌ن صنعت‌چی، بوتون دونیایا آذربایجان مغام صنعتینی تانیداراق، آذربایجان مدنیتینین دونیایا یاییلماسی اوچون بؤیوک بیر رول اویناییر.

اوپرا و بالت تئاترینین صحنه‌سین‌ده مجنون ("لیلی و مجنون") و کرم ("آشیق کرم") پارتییالارینی ایفا ائدیب. بیر چوخ اؤلکه‌لرده کنسرتلرله چیخیش ائد‌رک آذربایجان مغامینی دونیایا تانیدیب.

قاسیموو آمریکانین جورجتاون اونیورسیتتی و مرکزی ایوردانییادا یئرلشه‌ن ایستراتژی آراشدیرمالار مرکزینین کئچیردیی موسابیقه‌ده "دونیانین ان نفوذلو ۵۰۰ مسلمانی" آراسین‌دا ۴ آذربایجانلیدان بیری اولوب.

۲۶ مای ۲۰۱۲-جی ایلده آذربایجانین پایتختی باکی شهرین‌ده کئچیریله‌ن ۵۷-جی آوروویزییا ماهنی موسابیقه‌سینین فینال مرحله‌سین‌ده آذربایجان تمثیل‌چی‌سی سبینه بابایئوا ایله عینی صحنه‌نی پایلاشیب.

عالیم قاسیموو ۲۰۱۵-جی ایلده باکی‌دا کئچیریلمیش بیرینجی آوروپا اویونلارینین آچیلیشین‌دا دا محتشم چیخیشی ایله یاددا قالیب.