آنا صحیفه کولت |
بو گون گؤرکملی بستکار، خالق آرتیستی ائمین ثابیتوغلونون (۱۹۳۷-۱۹۹۴) آنیم گونودور.
کولت. آذ ائمین ثابیتوغلو ایله باغلی ۸ ماراقلی فاکتی تقدیم ائدیر:
۱. امین ثابیتوغلو آذربایجانین گؤرکملی دراماتورقو ثابت رحمانین اوغلودور.
۲. آناسی عصمت خانیم ایروانسکی آذربایجانین مشهور سویلاریندان، ایروان خانلارینین نسلیندندیر.
۳. بستکار ایکی دفعه عائله حیاتی قوروب. بیرینجی حیات یولداشی جمعیله خانیمدان آیریلدیقدان سونرا مغننی خدیجه عباسووا ایله ائولنیب.
۴. امین ثابیتوغلونون بیرینجی حیات یولداشیندان جیران آدلی بیر قیزی وار. خدیجه عباسووا بیر اوغول دونیایا گتیرسه ده، اوشاق چوخ یاشاماییب.
۵. امین صابیروغلونون اؤزونمخصوص یومورو اولوب. رسمیلرین ایشتیراک ائتدیی بیر توپلانتییا گلنده میلیسلرین نئجه اورا-بورا وورنوخدوغونو گؤرهن امین اونلاردان بیرینه یاناشیر. آغلینا گلن بیر سویادی - کریمووو سوروشور. سوروشور کی، یولداش کریموو گلیب؟ میلیس ماددیم-ماددیم اونا باخاندا امین ثابیتوغلو عینی جدیلیکله «گؤزده-قولاقدا اولون، ایندیلرده گلهجک» دئییب اوزاقلاشیر. میلیسلر ده بو معمالی «گؤستریشی» بیر-بیریلرینه یئتیریرلر.
۶. مرحوم خالق شاعری واقیف صمدوغلو امینین اؤز اؤلومونو سانکی حس ائتدیینی دئییب:
«امینی دوستلاری آراسیندا سون گؤرن من اولدوم. اونو ائوه قدر یولا سالدیم. ساغوللاشارکهن قفیل دؤندو و الینی قالدیراراق، «واقولیا» دئیه قیشقیردی. اوندان هئچ واخت بو حرکتی گؤرممیشدیم. سونرا ائوه قاییتدیم. سحری گون اؤیرندیم کی، ائمین اؤلوب. اوزون مدت شوکدان چیخا بیلمدیم».
۷. خالق یازیچیسی آنار ائمین سابیتوغلونون اؤلوم آنینی یوخودا گؤردویونو بیلدیریب:
«ائمین سابیتوغلونون آتاسی ثابت رحمانین یوبیلئیینه هازیرلاشیردیق. ائمیندن آیریلیب ائوه گئتدیم. بیر آز تئلئویزورا باخدیقدان سونرا یاتدیم. یوخودا گؤردوم کی، ائمین وفات ائدیب. سحر یوخودان آییلاندا گؤردوم، حیات یولداشیم تئلئفونلا دانیشیر. همین آن بیلدیم... سونرا یولداشیم دئدی کی، ائمین سابیتوغلو وفات ائدیب».
۸. مرحوم بستکارین حیات یولداشی خدیجه آبباسووا سون گؤروشلرینی بئله خاتیرلاییر:
«آتاسی ثابت رحمانین یوبیلئیینه گؤره تورکییهدن آذربایجانا گلجکدیک. دئدیم کی، گئتمه، گؤزله ۵ گون، سونرا بیرلیکده گئدریک. منیمله دالاشدی، علینی ایستولا چیرپیب، «گئدهجهم، وسسالام» دئدی. ایشدهن منه ایجازه وئریلمدیی اوچون تئز گله بیلمدیم. او، نویابرین ۱۲-ده گلدی. حتی هاوا لیمانیندا بیر-بیریمیزدن هئچ آیریلماق ایستهمیردیک. سانکی هیسس ائتمیشدیک کی، بو، سونونجو گؤروشدو. دفعهلرله دؤنوب بیر-بیریمیزه باخدیق. نویابرین ۱۷-سی سونونجو دفعه گئجه ساعت ۰۱:۰۰-دا اونونلا تئلئفوندا دانیشدیم. منیم اوچون گول باغلاتدیردیغینی دئدی. اما قیسمت اولمادی، ۳ ساعت سونرا دونیاسینی دییشدی».
تاریخ
2019.11.18 / 16:56
|
مولف
Axar.az
|