آنا صحیفه کولت |
تاریخی حیلهور کندی، قایالیق کند، کندوان-ین 3 کیلومترلیگیندهدیر. بو کندین معمارلیق سبکی اؤزونه اؤزلدیر و ایچینده، یئرین باغرینداکی گؤزل چَنگهلیکلر (زاغه) شکلینده اولان ائولر، سبک و گؤزللیک باخیمیندان قایالیق کندوان-ین ائولری ایله هئچ توتوشدورولا دا بیلمز.
یئرین ایچینده قازیلمیش ائولر، یئتهرینجه استتار اولونموش و کئچنلرین گؤزوندن گیزلهدیلمیشدیر. دئییلنلره گؤره ائله همین سببه گؤره ده «حیلهور» آدلاندیریلمیشدیر.
بو ائولر، 7-نجی یوزایلده، مغوللارین سالدیریسیندا اهالیدن بوشالدی. بو ائولرده انسانلارلا مال-قارالار بیرلیکده یاشارمیشلار. بو کند، گونئی آذربایجاندا، کندوان کندینین یولو اوزهرینده یئرلشیبدیر.
اسکو شهرینده، ائلخانلیلار دؤورونه عاید اولان حیلهور قایالیق کندی، 1384-نجو ایلین زومار آیینین اون بیرینده، 12622 ثبت نؤمرهسیله اؤلکهنین ملی اثرلری سیراسیندا ثبت اولونوبدور.
انگیلیزلی آدلیم آرکئولوگ (باستان شناس) پروفسور دیوید رول-ون دئدیگینه گوره، بو کند حضرت آدم-ین دوشمه (هبوط) یئریدیر و بلکه ده بهشت عدن ده اورادا یئرلشیر.
تاریخ
2020.03.21 / 22:48
|
مولف
Axar.az
|