اوکراینانین کیئو شهرینین ماریین آدلی پارکین‌دا و ایتالییانین کاستئل-سان-لورئنسو شهرین‌ده عینی ایکی هیکل اوجالیر. بو عابده‌ده بیر-بیرینی قوجاقلایان ایکی قوجا تصویر ائدیلیب.

بو عابده ۷۷ ایل بون‌دان اول بیر-بیرینی سئوه‌ن اینسانلارا حصر ائدیلیب.

آخار. آز خاتیرلادیر کی، بو سئوگی ماجراسی ۱۹۴۳-جو ایلده، ایتالیان عسگر اسیری لویدژی پئدوتو و اوکراینالی موکرینا یورزوکون آوسترییانین بیر حربی اسیر دوشرگه‌سین‌ده ایلک گؤروشمه‌سین‌دن باشلادی. اسیرلیک‌ده اولارکه‌ن موکرینانین بالاجا نادیا آدلی قیزی واردی. لویدژی دایم اونلارا کؤمک ائدیروه اؤز یئمک پایینی بالاجا قیزجیغازا وئریردی.ایکی ایل بیرلیک‌ده اولان جوتلوک محاربه بیتدیک‌دن سونرا آیریلماغا مجبور اولور. اسیرلره یاشاییش یئرینی دییشمه‌یه ایجازه وئریلمیر. و هر بیری اؤز اؤلکه‌سینه قاییتماغا مجبور اولور. جوتلوک ساده‌جه ۶۰ ایل سونرا گؤروشه بیلیر. و واختاشیری بیر-بیرینین اؤلکه‌سینه قوناق گئدیر. اونلارین اب‌دی و ناکام سئوگی‌سینه بیر خاطره اولاراق اولجه اوکراینانین پایتاختی کیئوده، سونرا ایسه ایتالییادا عابده قویولور. نؤوبتی گؤروشه بیر گون قالمیش لویدژی وفات ائدیر. اوندان ایکی ایل سونرا ایسه موکرینا دونیاسین دییشیر. بو اینسانلار ناکام سئوگینی اؤلومسوزلش‌دیره‌رک،دایم اینسانلارین یادداشین‌دا اولاجاقلار.