بین‌الخالق سازیشلره اساساً، ایران بو اؤلکه‌ده‌کی سفیر و دیپلماتلارین تهلوکسیزلیینی قوروماغا بورجلودور. اگر بونو ائده بیلمیرسه، دئمه‌لی، اونلارین دولت دئدیکلری بیر شئی یوخدور.

بو سؤزلری Axar.az-آ تانینمیش عالیم، فیلولوگییا علملری دوکتورو سیف‌الدین آلتایلی دئییب.

فارسلاردا نینکی آذربایجان‌لیلارا، بوتون تورکلره قارشی بیر قورخو اولدوغونو وورغولایان عالیم اونلارین ایرانا گلمه‌سین‌دن ده دانیشیب:

«فارسلارین بوگونکو ایرانا گلمه‌سی میلاددان اول، بیرینجی مینیللیین ایکینجی یاریسین‌دان باشلاییب. یعنی، بونلار گلمه خالقدیرلار. اورانین اصل یئرلیلری بیز تورکلریک. تاریخی سندلره، علمی و آرخیولوژی آراشدیرمالارا اساساً بونو دئمک اولار. ایراندا یاشایان تورکلر تورک دونیاسینین بیر پارچاسیدیر. بو بیر رئاللیق‌دیر. اما بو یول‌دا مدنی، علمی ایشلر آپاریلمالیدیر. بو گون گونئی آذربایجان‌دا یاشایان ۵۰ میلیونا یاخین تورکون - ایستر آذربایجانلی، ایستر تورکمن، قاشقای و دیگر تورک بویلاریندان اونلارین - مدنیتی، دیلی، کیملیگی آراشدیریلمالی و علمی شکیلده اورتایا قویولمالیدیر. بو آرشدیرمالار اورادا یاشایان تورکلره ده اؤتورولمه‌لیدیر کی، اونلاردا میللی منلیک شعورو دیرچلسین».

عالیم بیلدیریب کی، ایران‌دا یاشایان تورکلرین «گونئی ترکستان» ترمینی ایله عینیلشدیریلمه‌سی دوغرو دئییل:

«روسلارین قوندارما اورتا آسییا ترمینی کیمی ایشلتدیی یئر تورکوستانین غربی، یعنی، عربی تورکوستان، اویغور قارداشلاریمیزین یاشادیغی شرق حیصه ایسه شرقی تورکوستان‌دیر. گونئی آذربایجانین اوغوز ائلی آدلاندیریلماسی داها دوزگون اولاردی. عمومیتله، هارادا تورک وارسا، اورانین اوغوز ائلی آدلاندیریلماسی داها اویغوندور. شرقین ده، غربین ده تورکله باغلی قورخوسو چوخ اوزاق تاریخه گئدیب چیخیر. صلیب یوروشلرینین ان بؤیوک سببی تورکه دویولان نفرت و قورخو اولوب. بو گون ایران‌دا یاشایان تورکلرین کیملیگی فارسین اوریینه دهشت و قورخو سالیب. تأسفلر اولسون کی، سلجوق ایمپرییاسینین دولت دیلی فارسجا اولوب. سببی ده اونلار اوتوراق اولوب، تورکلر ایسه یاریکؤچری یاشادیغینا گؤره، مکتبلرده تحصیل آلماییبلار. اوخو-یازی بیلمه‌ییبلر. دولتده ده ساوادلی آداملارا احتیاج اولدوغونا گؤره فارسلار تمثیل اولونوب. اودور کی، رسمی دیل فارسجا، اوردودا دانیشیلان دیل ایسه تورکجه ایدی.

معاصر دؤوروموزده ده تورک قورخوسو داوام ائدیر. اما نئجه دئیرلر قورخونون دا عجله فایداسی یوخدور»