میللی مجلی‌سین مدنیت کمیته‌سینین صدری قنیره پاشایئوا تبریزلی اونلو صنعتکار، «دالغا» موسیقی قروپونون، «رؤوشن» موسیقی مکتبینین قوروجوسو چینگیز مهدیپورلا گؤروشوب.

Kult.az خبر وئریر کی، تانینمیش آشیقلا گؤروش مدنیت کمیته‌سین‌ده باش توتوب. آشیغین صنعت اوغورلارینا بلد اولدوغونو سؤیله‌یه‌ن کمیته صدری اونون آشیق موسیقی‌سینی، ساز هاوالارینی نوتا کؤچوره‌ن اونلو صنعتکار کیمی هم پداقوژی، علمی کولکتیولرده، هم ده صنعت عالمینده یاخشی تانیندیغینی، سئویلدیینی و اؤیرنیلدیینی وورغولاییب.

پاشایئوا آشیق چینگیز مهدیپورون گنج ایستعدادلارین اوزه چیخماسی و اونلارین صنعتین سیرلرینه ییه‌له‌نمه‌سی ایستیقامتین‌ده ثمره‌لی چالیشمالارینی شوکرانلیقلا خاطیرلادیب.

صنعتکارین ۱۹۸۳-جو ایل ده، تهران چنگ موسیقی مکتبین‌ده موسیقی یازماغا و نوتلاری توپلاماغا باشلادیغینی ممنونیتله خاطیرلادان پاشایئوا اونو پئشه‌کار صنعت‌شناس کیمی فعالیتینین ۴۰-جی ایلدؤنومو مناسیبتی ایله تبریک ائدیب، اوغورلار آرزولاییب:

«سیز ۱۹۹۰-جی ایلده «دالغا» موسیقی گروپونو یاراداراق، بیر چوخ اؤلکه‌ده چیخیش ائتمیسیز. ۱۹۹۲-جی ایلده «رؤوشن» موسیقی مکتبینی قوراراق، قوپوز چالماغی اؤیرتمکله یاناشی «قوپوز مکتبی و اونون علمی اؤیره‌نمه‌سی» کیتابینی یازماغا باشلامیسیز. سیز همین کیتابی ۲۰۰۰-جی ایلده نشر ائتدیره‌ندن ۴ ایل سونرا، «آشیق هاوالاری» آدلی داها بیر کیتابلا چیخیش ائتمیسیز. سیزه یئنی صنعت اوغورلاری دیلییرم».

آشیق چینگیز مهدیپور ق. پاشایئوایا صمیمی گؤروش اوچون تشکر ائدیب.