بو گون، ۲۱ فورال بین‌الخالق آنا دیلی گونودور.

Kult.az خبر وئریر کی، یونسکو-نون ۱۹۹۹-جو ایلین نویابرین‌دا کئچیریلن باش کنفرانسینین ۳۰-جو سئیسییاسین‌دا بین‌الخالق آنا دیلی گونو تاسیس ائدیلیب.

بو علامتدار تاریخ ۲۱ فورال ۲۰۰۰-جی ایلده‌ن دیل و مدنیتین رنگارنگلیینی قورویوب ساخلاماق اوچون قید ائدیلیر.

گونی آذربایجان‌دا و ایران‌دا یاشایان ۳۰ میلیون‌دان چوخ تورک آنا دیلین‌ده تحصیل آلا بیلمیر. حالبوکی ایران آنایاساسینین ۱۵-جی ماده‌سین‌ده آنا دیلینده تحصیل آلماق حقوقو قید اولونوب.

بین‌الخالق آنا دیلی گونو تاسیس ائدیلندن ایندییه کیمی، بو بین‌الخالق گونو قید ائتمک اوچون دینج، مدنی آکسییالار کئچیرن اونلارلا گونئی آذربایجانلی حبس اولونوب، ساختا اتهاملارلا گناهلاندیریلاراق حبسلره محکوم ائدیلیبلر.

سعید متینپور، حسن لطیف‌زاده، علیرضا فرشی، عباس لیسانی، توحید امیرامینی، اکبر نعیمی، اکبر آزاد، کیانوش آسلانی، سجاد جولانی و باشقا اونلارلا گونئی‌لی آنا دیلی حرکاتی فعالی آغیر تضییقلرله اوزلشیبلر. اونلاردان بیر نئچه‌سی، او جمله‌دن عباس لیسانی هله ده حبس‌ده ساخلانیلیر.

مدنی فعاللار هر ایل بین‌الخالق آنا دیلی گونو مناسیبتیله آذربایجان دیلینده اوشاقلار اوچون نشر ائدیله‌ن کیتابلار پایلاییر، بوتون باسقیلارا باخمایاراق، ایران‌دا و گونئی آذربایجان‌دا آذربایجان دیلینین قورونوب ساخلانیلماسینا یاردیم ائتمه‌یه چالیشیرلار.