من، ۲۰۰۶-جی ایلده دونیا آنا دیلی گونو مناسیبتی ایله گونئی آذربایجانین شهرلریندن بیرینده کئچیریلن تدبیرده توتولدوم. ۴ آی حبس، ۳۰ شاللاق جزاسی آلدیم. بیرینجی دفعه دئییل، دفعه‌لرله زیندانا آتیلمیشیق. تهدید اولونموشوق، لاکین دایانمامیشیق. بیزیم فعالیتیمیز مقصدیمیزه چاتمایانا کیمی دوردورولمایاجاق.

بو سؤزلری Axar.az-آ تانینمیش گونئی‌لی فعال سورگون گونش دئییب.

او، بین‌الخالق آنا دیلی گونون‌ده وئردیی مجادیله‌دن یورولمادیغینی، هر ایل بو ایشلری هوسله گؤردویونو بیلدیریب:

«میللی فعاللار شهر و قصبه‌لرده آنا دیلی ایله باغلی قوتلامالار کئچیریرلر. اؤز جیبلریندن پول قویور، تورک دیلینده کیتابلار چاپ اولونور، یاخود آلیناراق خالق آراسیندا پایلاییرلار. هر یئرده میللی فعاللارین الین‌ده تورک دیلینده ناغیل، رومان، شعیر کیتابلارینی هدیه وئرمک عنعنه‌سی وار. بونا، اساساً اوشاقلار ماراقلا باخیر و آنا دیلی ایله باغلی بو ایشلر، بایرام تاسیس اولوناندان بو یانا کیمی کئچیریلیب. تکچه، خالقین ایچین‌ده دئییل، سوسیال شبکه‌لرده، اینترنت‌ده ده میللتیمیز و فعاللاریمیز چوخ یوکسک سوییه‌ده پایلاشیم ائدیر، رکلاملار گئدیر. بو ایل داخیلده مرکب وضعیت اولدوغوندان، فرقلی بیر قوتلاما اولمایاجاق. میللی فعاللار دوشونور کی، اننوی قایدادا کئچیریلسین، چونکی هر هانسی عملی ایش و یا توپلانتی-فیلان اولسا، حاکمیت درحال اونا قارشیلیق وئریب، اونلاری توتاجاق»،- او بیلدیریب.