۸ آپرل ۱۹۹۲-جی لده آذربایجان تاریخینین ان آغریلی گونلریندن بیریدیر. ارمنیلر ترور تشکیلاتی اولان «آرابو» و «آرامو» ایله بیرلیکده کلبجر رایونون آغدابان کندین‌ده سویقیریم تؤرتمیشلر. ۱۳۰ ائوده‌ن عبارت آغدابان کندی ارمنی قوه‌لری طرفین‌دن تمامیله یاندیریلمیش، کندین ۷۷۹ نفر ساکینینه ایشگه‌نجه‌لر وئریلمیش‌دیر. ۶۷ نفر قتله یئتیریلمیش، ۸ نفر ۹۰-۱۰۰ یاشلی قوجا، ۲ آزیاشلی اوشاق و ۷ قادین دیری-دیری اوددا یاندیریلمیش، ۲ نفر ایتکین دوشموش، ۱۲ نفره آغیر بدن خسارتی یئتیریلمیش‌دیر. عینی زامان‌دا کلبجرین دیگر یئرلرین‌دن آغدابانلیلارا کمک اوچون گلن ۱۵ نفره یاخین دینج ساکین ده ارمنیلر طرفیندن اؤلدورولموشدور. ارمنیلر طرفیندن تاریخ، معمارلیق و مدنیت عابده‌لری داغیدیلمیش، مقدس زیارتگاه و مزارلیقلار تحقیر اولونموش و محو ائدیلمیشدیر.

بو کندده تؤره‌دیله‌نلرین قیصاصینی آلماق اوچون اولفت کریموو کیمی قهرمان کشفیاتچیمیز نئچه-نئچه دوشمنی محو ائدیب و شهید اولوب.

اولفت کریموو ۱۹۷۱-جی ایل فئورالین ۲۳-ده کلبجر شهرین‌ده آنادان اولوب. اورتا تحصیلینی باشا ووردوق‌دان سونرا حربی خیدمته چاغیریلیب و قاییتدیق‌دان سونرا آذربایجان نفت-کیمیا آکادمییاسینا داخیل اولوب.

۱۹۹۲-جی ایلین سنتیابرین‌دا تحصیلینی یاریمجیق قویاراق قاراباغ محاربه‌سینه کؤنول‌لو اولاراق یوللانیب.

بیرینجی موتواتیجی بریگاداسینین کماندیرینین وئردیی ۲۸۷ سای‌لی، ۹ اوکتیابر ۱۹۹۲-جی ایل تاریخلی آراییشین‌دا گؤستریلیر: «بؤیوک سئرژانت اولفت علکبر اوغلو کریموو ۵ سنتیابر ۱۹۹۲-جی ایل تاریخده آغدره رایونونون قوزلو کن‌دی اوغروندا گئدن دؤیوشلرده دوشمنه مخصوص بیر عدد تانک (ت-۷۲)، بیر عدد پ.د.ام، بیر عدد پک پولمیوتونو، اوچ عدد ر.پ.ق-۷-نی قنیمت کیمی اله کئچیرمیش و ۶۰ قولدورو محو ائتمیشدیر«.

۲ اوکتیابر ۱۹۹۲-جی ایل تاریخین‌ده لاچین رایونونون هوچاز داغیندا اولفت کریموو ۲ عدد تانک، ۲ عدد پ.د.م-۲، ۲ آ.ق.س-۱۷، ۲ عدد میناآتان (۱۲۰ م.م.-لیک) اله کئچیرمیش و ۳ عدد تانکی محو ائتمیشدیر.

اولفت کریموو کلبجر رایونونون آغدابان کندینده باش وئرن سویقیریمین قیصاصینی آلماق اوچون چوخ چالیشیردی.

۱۹۹۳-جو ایلده ائرمه‌نیلرله غیری-برابر دؤیوشه گیریب کندی اونلاردان آزاد ائتمک اوچون بوتون گوجونو قویان اولفت یارالانسا دا، سون نفسین‌ده ده ساییقلیغینی ایتیرمه‌ییب، دوشمنین زیرهلی تکنیکا کولونونا قارشی دؤیوشوب، قومباراتانلا ۱ تانکینی محو ائدیب، الین‌ده قومبارا ایله دیگر تانکین اوستونه چیخاراق قومبارانی تانکین لیوکوندان ایچری آتاراق اونو محو ائدیب. دوشمن تانکینین اوستوندن تولانارکن دوشمنه مخصوص پ.د.م طرفین‌دن آتش آچیلیب و اولفت کریموو یارالانیب.

او، یارالی حالدا آشیق شمشیرین مزارینی داغیتماق اوچون ایر‌لیله‌یه‌ن دوشمنه مخصوص پ.د.م-این آلتینا توللانیب، الین‌ده قومبارا ایله اونو پارتلاداراق قهرمانجاسینا شهید اولوب. اکیپاژ ایله بیرلیکده ۲۲ دوشمن همین آنداجا جهنمه واسیل اولموشدور.

بریگادا کماندیرینین، حربی حیصه‌نین ظابطلرینین وئردیکلری تقدیماتا اساسلانان ن حربی حیصه‌سینین کماندیری پولکوونیک-لیتنانت ر.آ.جفروو آذربایجان رسپوبلیکاسینین مدافعه‌سینده گؤستردیی میثیل‌سیز قهرمان‌لیق نمونه‌لرینی نظره آلاراق اولفت الکبر اوغلو کریمووون «آذربایجانین ملی قهرمانی» فخری آدی ایله تلطیف اولونماسینی تکلیف ائدیب.

اما اولفت کریموو بو آدی هله آلا بیلمه‌ییب...