شیراز تار صنعتینین ان مشهور ایفاچیلاریندان اولان قولام حسین بیگجه‌خانی میللی حکومتین یاراندیغی پیشوری دؤورونده تبریزده جاهانگیر جاهانگیروون رهبرلیگی ایله یارانمیش میللی ارکسترین بیرینجی تار ایفاچیلاریندان اولوب.

بو سؤزلری Kult.az-آ تانینمیش گونئیلی موسیقی‌شوناس، «دالغا» قروپونون رهبری، آشیق چینگیز مهدی‌پور دئییب.

او بیلدیریب کی، مشهور تار اوستاسی شیرازدا کئچیریله‌ن دونیا سوییه‌لی موسیقی فستیوالیندا شاهین قارشیسیندا چیخیش ائد‌ن بؤیوک سنتکار اولوب.

"مشهور قاوال ایفاچیسی اوستاد محمود حسین فرنام ایله بیرلیکده ایفا ائتدیکلری ریتملر خالق آراسیندا چوخ سئویله‌ن و یادداقالان ایفالاردان اولوب. فارس موسیقی‌سینین اوستاد خاننده‌سی محمد رضا شجریانلا بیرلیکده بوراخدیقلاری کاست او واختلار چوخ مشهور اولوب و حال-حاضردا دا خالق طرفیندن سئویله‌رک دینلنیلیر. قولام حسین بیگجه‌خانی اؤزونه‌مخصوض فرقلی موسیقی مکتبی اولان اوستاد سنتکار ایدی. اونون موسیی‌سی نئچه-نئچه انسانلارا، موسیقی‌سئورلره اؤرنک اولوب. گونئی موسیقی تاریخینده بؤیوک رول اوینامیش صنعتچی خالق طرفیندن همیشه سئویلیب و هئج زامان اونودولماییب".

قید ائدک کی، ۱۹۱۸-جی ایلده تبریزده دونیایا گلن اوستاد سنتکار قولام حسین بیگجه‌خانی آپرلین ۱۳-او ۱۹۸۴-جو ایله وفات ائدیب.