ایستانبول فیلم فستیوالین‌دا گونئی آذربایجانین مرحوم کینو رژیسسورو عسگر یوسفی‌نئژادین سون ایشی اولان آذربایجان دیلین‌ده چکیلمیش «قولچاق» فیلمینین یارادیجی هئیتی تلطیف ائدیلیب.

Kult.az خبر وئریر کی، بو باره‌ده تورکییه مئدیاسی معلومات یاییب.

مراسیم‌ده مرحوم رژیسورون حیات یولداشی، «قولچاق» کینولایحه‌سینین سرمایه‌چیسی صفییه آصلانی اشتراک ائدیب.

بونونلا یاناشی، آپرلین ۱۸-ده فیلمین رژیسورو عسگر یوسیفی‌نژادین ایستانبولدا آنیم مراسیمینین کئچیریلجیی بیلدیریلیر.

خاطیرلاداق کی، رژیسور یوسیفی‌نژاد "قولچاق"دان اؤنجه آذربایجان دیلینده چکدیی «ائو» فیلمی ایله گونئی‌لیلرین رغبتینی قازانیب. اونون ۴۲-جی ایستانبول فیلم فستیوالین‌دا نماییش ائتدیریله‌ن «قولچاق» فیلمی ایسه آذربایجان دیلینده چکیلدیینه گؤره هر ایل ایران‌دا باش توتان بین‌الخالق فجر فیلم فستیوالینا بوراخیلماییب.