بو گون - ۱۹ آپرل گونئی آذربایجان‌دا مشروطه حرکاتینین اشتراکچی‌سی، ستارخانین سلاحداشی آمریکالی معلم هووارد باسکرویلین آنیم گونودور.

Kult.az خبر وئریر کی، او، ۱۰ آپرل ۱۸۸۵-جی ایلده نبراسکا ایشتاتینین شمالی پلاتت شهرینده آنادان اولوب.

۱۹۰۷-جی ایلده پرینستون اونیورسیتتین‌دن معزون اولان باسکرویل عینی زامان‌دا دینی و بوکس اوزره ده تحصیل آلیب. او، آمریکا پرزیدنتی وودرو ویلسونلا بیرلیکده حقوق شناسلیق و کونستیتوسییا حکومتی باره‌ده بیرلیکده کورس کئچیب.

باسکرویل ۱۹۰۷-جی ایلده هووارد ایرانا میسسیونر فعالیتینه گلیب. او، تبریزده‌کی میسسیونر مکتبی اولان آمریکان مموریال مکتبینده ایشله‌ییب، تاریخ، اینگیلیس دیلی و جغرافییا علملرینی تدریس ائدیب.

۱۹۰۹-جو ایلده ایران‌دا کونستیتوسییا انقلابی گئدن زامان باسکرویل کونستیتوسییالی دموکراتییانی مدافعه ائتمک اوچون کؤنوللو قوه‌لر توپلاماغا باشلاییب.

تبریزده‌کی آمریکا کونسولو اویلیام دوتی اونو بو ایشده‌ن چکیندیرمه‌یه چالیشسا دا، هووارد یوز نفردن عبارت دسته توپلاییب، مرکزی حکومت قوشونلاری طرفیندن محاصره‌یه آلینان تبریز شهرینین آزاد ائدیلمه‌سی اوچون دؤیوشوب.

بیر گروپ شاگردله شهری محاصره‌دن چیخارماق اوچون ائتدیی هجوم زامانی تبریزین شامقازان بؤلگه‌سینده حکومت اوردوسو طرفین‌دن سنایپر آتشی ایله قتله یئتیریلیب. اؤلدورولن زامان هوواردین ۲۴ یاشی اولوب.

او، اؤلدورولمزدن اؤنجه آمریکا کونسولونون اونون مشروطه حرکاتیندان اوزاقلاشماسی ایله باغلی طلبینه اؤزونمخصوص شکیلده اعتراض ائدیب.

هووارد بو طلب قارشی‌سیندا پاسپورت و کیملیک وثیقه‌سینی کونسوللوغا تحویل وئره‌رک یولونا داوام ائدجیینی بیلدیریب:

"منیم بو اینسانلارلا یگانه فرقیم دوغولدوغوم یئردیر کی، بو دا منیم اوچون بؤیوک فرق ساییلمیر"،- هووارد باسکرویل کونسولا دئییب.

هوواردین دفن مراسیمینه مینلرله آذربایجانلی قاتیلیب و او، تبریزده‌کی خریستیان قبیرستانلیغیندا دفن ائدیلیب.

ستارخان هوواردین آدینی و اؤلوم تاریخینی دؤیوشچونون توفنگینین اوستونه یازاراق آمریکایا، اونون آناسینا گؤندریب. هووارد باسکرویلین اؤلومونون اوستوندن اوزون ایللر کئچمه‌سینه باخمایاراق، بو گون ده بیر سیرا آذربایجانلیلار هر ایل اونون دوغوم و آنیم گونونده تبریزین "آسوریلر قبریستانلیغی"نداکی مزارینی زیارت ائدیر، عنعنوی اولاراق مزاری اوستونه ساری چیچکلر قویورلار.