گونئی‌لی سویداشلاریمیز، گونئی آذربایجاندان اولان ضیالیلار اونلارین فولکلورونو، مدنی گئرچکلیکلرینی عکس ائتدیرن مؤوضولارین ایشیقلاندیریلماسینی، آذربایجان دیلینی اؤیردن وئریلیشلرین اولماسینی ایستییر.

بو سؤزلری Kult.az-آ میللت وکیلی قنیره پاشایئوا دئییب.

او، تله‌کاناللاردا گونئیله باغلی مدنی لاییحه‌لری عکس ائتدیرن چئشیدلی پروگراملارین آرتیریلماسینا احتیاج دویولدوغونو بیلدیریب:

«بو باره‌ده میللی مجلیسین مدنیت کمیته‌سینده اجتماعی تلویزییا و رادیو یاییملاری شیرکتی یاییم شوراسینین عضولویونه نامیزدلیکلری ایر‌لی سورولموش شخصلرین سئچیلمه‌سی مسئله‌سینین مذاکیره‌سی زامانی دانیشدیق. بیز عمومی دیرلندیرمه آپاردیق و تلویزییالاریمیزین گونئی آذربایجانلا، دوغما دیلیمیز، عادت-عنعنه‌لریمیزله باغلی گونئی‌لیلره، دونیا آذربایجانلیلارینا اونوانلانمیش پروگراملارلا چیخیش ائتمه‌سینی توصیه ائتدیک. گونئی آذربایجان فولکلورو، کلاسسیکلری، تاریخی شخصیتلری، مدنی-تاریخی عابده‌لری و س. عکس ائتدیرن پروگراملار چوخالدیلمالیدیر. ان اساسی ایسه واحد تاریخیمیز باره‌ده دوغرو، آردیجیل فورمادا وئریلیشلر یاییملانمالیدیر».

میللت وکیلی بیلدیریب کی، تلویزییالاردا فولکلور، دیل و اتنوقرافیک مزمونلو پروگراملارین حاضرلانماسی مثبت قارشیلانار:

«گونئی‌لیلرین فولکلورو ایله باغلی بیلگیمیز آرتیریلمالیدیر. یاخود بورچالی، داغیستان، دربند، غربی آذربایجان، فرقی یوخدور، اورادا یارانان ادبیات آذربایجان ادبیاتینا خیدمت دئمک‌دیر. او شخصلرین، او ادبیاتین افیرلرده تبلیغاتی واجیب‌دیر».

او، بئله وئریلیشلرین یاییملانماسیندا دونیا آذربایجانلیلاری اوچون اویغون اولاجاق واختی دا آچیقلاییب:

«هر هفته‌نین بللی ساعتلاریندا ویرتوال دیل آکادمییالاری، ویرتوال درسلر تشکیل اولونا بیلر. بونونلا باغلی باشقا خالقلارین اوخشار لاییحه‌لری واردیر. ان آزی بئله لاییحه‌لری اؤرنک آلماق اولار. باکی‌داکی تی‌.وی-لریمیز آمریکادا مسکونلاشان سویداشلاریمیز اوچون اویغون ساعتلاردا خصوصی پروگرام دییشیکلیگی ائتمه‌دن، پروبلم یاشامادان بو ایشی آپارا بیلرلر. آچیق دئسک، رکلام اوچون الوئریشلی اولمایان واختلاردا بئله پروگراملارین تشکیلی هر کس اوچون اویغون اولاجاقدیر».