تورکییهده کئچیریلهجک ۱۴ مای پرزیدنت و پارلامنت سچکیلری قارداش اؤلکهنین داخلی ایشیدیر: تورکییه خالقی کیمی سئچهجکسه، دیگر تورک خالقلاری همین لیدئری ده دوغما اولاراق قبول ائدجک. چونکی کیملییندن آسیلی اولمایاراق، تورکییهنین سئچدیی لیدر تورک خالقینین ایرادهسینی عکس ائتدیرهجک و یا بونا مجبوردور.
آنجاق ۱۴ مای سچکیلری آرتیق بیر سئچکیدن داها فرقلی ماهیت کسب ائتمهیه باشلاییب و اونا گؤره ده تورکییه سئچیجیلری ایندییه قدر موجود اولمایان مسئولیت داشیییرلار.
تورکییه سون ۱۰ ایلده سرحدلری داخیلینده یاشایان ۸۵ میلیونون ماراقلارینین ایفادهچیسی اولماقدان چیخیب؛ تورکییه لیوییادان اورتا آسییایا قدر بؤیوک بیر آرئالدا مسلمان و تورک توپلوملارینین میللی ماراقلارینین ایفادهسینه چئوریلیب. سون ۱۰۰ ایلده:
– ایلک دفعه اولاراق تورکییهنین خاریجی اؤلکهلرده حربی بازالاری قورولدو؛
- ایلک دفعه اولاراق تورکییه ترورلا مباریزه چرچیوهسینده سینیرلاریندان کناردا «عملیات زونالاری» یاراتدی؛
- ایلک دفعه اولاراق تورکییه جوغرافی مؤوقئییندن اؤز میللی ماراقلارینی گئنیشلهندیرمک اوچون ایستیفاده ائتدی؛
- ایلک دفعه اولاراق تورکییه تورک دولتلرینین اقتصادی، تجاری و حربی یاخینلاشماسی ایستیقامتینده میثیلسیز آددیملار آتدی؛
- ایلک دفعه اولاراق تورکییه حربی صنایعسی مستقیللیک اوغروندا بؤیوک اوغورلار قازاندی؛
- ایلک دفعه اولاراق تورکییه ناتو-نون تاپشیریقلارینی قید-شرطسیز ایجرا ائدن اؤلکهدن اؤز ماراقلارینی هئچ بیر حربی-سیاسی بلوکا قوربان وئرمهیهن اؤلکهیه چئوریلدی؛
- ایلک دفعه اولاراق تورکییه اونون اوچون بیچیلمیش سرحدلردن کنارا چیخاراق، یوزیللرله مؤوجود اولدوغو تورپاقلارداکی اویونلاری پوزدو؛
- ایلک دفعه اولاراق تورکییه مجبورهن سیغدیریلدیغی سرحدلری آشیب، سو سرحدلرینی بؤیوتدو و طبیعی ثروتلر آختاریشینا باشلادی...
تورکییهده سون ۱۰ ایلده «ایلک دفعه» ساییلا بیلهجک چوخ اؤنملی حادثهلر باش وئریب. آنجاق بو «ایلک دفعهلرین» باشیندا گلن بودور: ایلک دفعه اولاراق (سون ۸۰ ایلده) تورکییه لیدری تورک اؤلکهلری باشچیلارینین قید-شرطسیز آغساققال کیمی، قارداش کیمی قبول ائتدیی شخصدیر!
بو باخیمدان، مثلاً، هانسیسا آذربایجانلینین – بو کونتکستده بیزیم – تورکییهدهکی سئچکیلرله باغلی مؤوقعیمیزی ایفاده ائتمییمیز هئچ بیر حالدا قارداش اؤلکهنین داخیلی ایشلرینه قاریشماق آنلامیندا قبول ائدیله بیلمز. دئدیک آخی، تورکییهدهکی سئچکیلر ۳۵۰ میلیون تورکون تالعینه بیرباشا تأثیر ائدجک!
بو باخیمدان تخمیناً ۵۰ میلیون جیواریندا اولان تورکییه سچیجیسی ۱۰ میلیونلوق آذربایجان (+۴۰ میلیون گونئی) دا داخیل اولماقلا، ۲۷۰ میلیونلوق تورکون ماراقلارینی نظره آلماغا محکومدور.
دموکراتییادا پروبلممی وار؟ – بلکه ده!
سوسیال-اقتصادی باخیمدان تورک قارداشلاریمیزین یاشام طرزینده معین چتینلیکلرمی وار؟ – ممکندور، باهالیق جدی شکیلده گؤرونور.
آنجاق من آنارخییا سوییهسینده دموکراتییانین موجود اولدوغو ۹۰-لاری گؤرموش شخص کیمی دئییرم: آذربایجاندا آمریکادا اولمایاجاق سوییهده دموکراتییا اولاندا تورپاقلاریمیزین ۲۰ فایزی ایشغال اولوندو، عوضینده «دموکراتیک دونیا» دموکراتیک آذربایجانی دئییل، اشغالچی ارمنیستانی دستکلهدی، حتی آمریکا ۱۹۹۲-جی ایلده آذربایجانا «۹۰۷-جی دوزلیشی» تطبیق ائدیب، «آزادلیغا دستک» آکتیندان بیزی محروم ائتدی، آمریکانین آذربایجانا بیرباشا یاردیمینی دایاندیردی!
اؤلکهنین میللی ماراقلاری پریوریتت اولاندا، دموکراتییا آدی ایله اؤلکهنین ایچینه سوخولموش شبکهنین آغیر ضربهلریندن دولتین نئجه سارسیلدیغینی یاخشی بیلیریک.
دموکراتییا محدودلاشیبسا – ایستهنیلن واخت، بیرجه سئچکی ایله هر شئیی نیظاملاماق اولار. آنجاق اؤلکهنین میللی ماراقلاری نامینه تاریخی فورصتی قاچیرماغین عوضینی یوزیللرله اؤدیه، بو قاچیریلان امکانی برپا ائده بیلمزسهن.
تورکییهنین قدرتلی بیر دولته چئوریلمهسی، تورک دونیاسینین سرعتلی اینتقراسییاسی کیمی تاریخی فورصت زامانی «قارین داواسی» آپارا بیلمریک. قدرتلی تورک خالقی استقلال ساواشینی چکمهسیز، آیاقیالین، لازیمی سلاح اولمادان نیه آپاردی؟ همین ایللرده «قارنی ایله» دوشونسه، نلر باش وئرردی؟
تورکییه بیر خالق اولاراق اردوغانی لیدئر کیمی ۲۰۰۲-ده اورتایا چیخاراندا اونون امکانلارینین ایندیکی سوییهده اولدوغونو قطیعن ادعا ائتمیرم. ۲۰۰۸-جی ایلین «آچیلیمینی» دا خاطیرلاییریق، «فوتبول دیپلماتییاسینی» دا، علی باباجانین ارمنی خاریجی ایشلر ناظری ایله صمیمی گؤروشونو، آذربایجان دیپلماتینی سایماماسینی و ارمنی همکاری ایله شیرین-شیرین صحبتله آذربایجان دیپلماتینا ایستهزا ایله باخماسینی، اونو آشاغیلاماسینی دا...
تورکییه خاریجی سیاستینی علی باباجان قویوسوندان خلاص ائدیب، مولود چاوشوغلو سیماسیندا ان یوکسک سوییهده ایراده و دوشونجه افادهسینه قالدیرماق اوچون اردوغانا شانس و امکانلاری تورکییه خالقی وئردی!
اردوغان هر سئچکیده تورکییه خالقیندان ماندات آلدیقجا گوجلندی و بوتون تورک دونیاسینین ماراقلارینین قورویوجوسونا چئوریلدی.
بیزیم نسلین گؤردویو ان محتشم تورک لیدرلریندن بیری ده سلیمان دمیرلدیر. آذربایجانین ان آغیر گونلرینده، اشغال ائدیلن کلبجردن سیویل اینسانلارین قیریلماسینین قارشیسینی آلماغا ایکی ملکی هلیکوپتر گؤندرمک اوچون ناتو-دان ایزن آلا بیلمهیهن سلیمان دمیرلین چیخیلماز دورومو گؤزوموزون قارشیسیندادیر.
آنجاق ۲۰۲۰-جی ایلین ۴۴ گونلوک وطن ساواشیندا تورکییه مولکی هلیکوپتر ندیر، ۶ عدد اف-۱۶-سینی گنجهدهکی آیرودرومدا ساخلامیشدی – «اؤلکهمیزه اوچونجو قوهلر هجوم ائدردیسه، تورکییه شاهینلرینی قارشیلاریندا گؤرهجکلر» مئساژی ایله اینانیلماز بیر میدان اوخوما سرگیلمیشدی اردوغان.
البته، بو مقایسهنی اونا گؤره وئرمیریک کی، مرحوم سلیمان دمیرل ضعیف، اردوغان گوجلو ایرادهیه مالیک لیدرلردیر. دمیرلین آذربایجانین گوجلهنمهسی اوچون نئجه چابالار گؤستریب، هانسی فداکارلیقلار ائتدیینی اونوتماریق، الله اونا رحمت ائلسین! سادهجه، دمیرل ۶ آیدان بیر داغیلان کوالیسییا حکومتلرینین، سیاسی بحرانلارین یاشاندیغی تورکییهنین لیدری ایدی، اردوغان ایسه ۲۰ ایلدیر حکومتی تکباشینا فورمالاشدیران، داخیلی ایستابیللیکدن امین بیر لیدردیر.
بو امینلیگی اردوغانا تورکییه خالقی وئردی؛ بو جسارتی ده اردوغانا تورکییه بخش ائدیب!
هئچ بیر کوالیسیون حاکمیت، «پارلامنت دموکراتییاسی»، هر آددیمدا «مین مصلحت یئری»، گونلرله، هفتهلرله، بعضا آیلارلا «کوالیسییانین»، دیگر اساس قوهنین راضیلیغینی آلماق اوشون تاریخی شانسی و آنیندا جسارتلی آددیم آتماق فورصتینی قاچیرماق - پرزیدنتلیک اینستیتوتو ایله مقایسه اولونا بیلمز. ان کریتیک تاریخی دؤنمده، تورکییه و تورک دونیاسی اوچون تالعیوکلو مسئلهلرده ایراده گؤسترمک و چئویک رئاکسییا نامینه پرزیدنتلیک اینستیتوتو میثیلسیزدیر.
بونو تورکییهیه گتیرهن اردوغان اولدو و او بیلیر نه ائدیر!
تورکییهنی کناردان ایزلهمهیه چالیشیرام، ۴ میلیون جیواریندا قاچقینین تورکییهیه یئرلشدیریلمهسی، اونلارا تحصیلدن توتموش سوسیال حیاتا قدر، مستثنی یاردیملار گؤستریلمهسی تورکییه خالقینین ان آغیریلی، ان چوخ ناراضی قالدیغی مسئلهدیر.
آنجاق کیمسه دئمیر کی، ۴-۵ میلیونلوق بیر کوتلهنی ۱۰ ایل تورک دیلی، تورک مدنیتی، تورک تحصیلی، تورک اخلاقی ایله «یوغوروب»، اونلارین عثمانلی دؤنهمیندهکی حضور ایچینده یاشادیقلاری یادداشینی اویادیب، داها سونرا سرحدلرینین یاخینلیغینا کؤچورمک قدر ایستراتژی، گلهجهیه حسابلانمیش آددیمی تصور ائتمک چتیندیر.
البته کی، بونون اقتصادی، کریمینال ضربهلرینی بو گون تورکییه خالقی یاشایا بیلر و یاشاییر. آنجاق بؤیوک اولماق اوچون تورکییهنین بوتون امکانلارینی بو گون ایستیثمار ائتمیین نه دئمک اولدوغونو ایللر سونرا گؤرجییک – او واخت بلکه ده اردوغان هئچ حیاتدا اولمایاجاق...
همین باباجاندیر اردوغانین قارشیسینا دیکیلن – اونون «ایستراتژی دوشونجه طرزی» و قارداش «سئوگیسی» حاقدا یوخاریدا خیرداجا قید یازدیم.
ضروری اولاراق علاوه ائدیم: آذربایجانین ۴۴ گونلوک ساواشیندا آذربایجانی شرلهیهن قوهلرین – ارمنیستانین (طبیعی کی، دوشمندیر)، فرانسانین و س. تکرارلادیغی بیر سؤز واردی: آذربایجان طرفده ۲ مین ترورچو دؤیوشور.
قیسمن سفربرلیکله ۴۵۰ مین، تام سفربرلیکله ۸۰۰ مینلیک نظامی اوردو چیخارماق گوجو اولان، سفربرلیکسیز، عادی قایدادا اورتالاما ۲۰۰ مین جیواریندا پشهکار شخصی هئیته و ان معاصر حربی تکنیکایا صاحب قدرتلی آذربایجان اوردوسونون، سن دئمه، ۲ مین «کالاشنیکوولو» ترورچو قوهیه احتیاجی وارمیش. گولمهلی بهتاندیر.
درد اوندادیر کی، بو گولمهلی بهتانی آذربایجانا یاخانلارین باشیندا قارداش تورکییهنین آذربایجاندا سفیری اولموش احمد اونال چئویکؤز ده گلیردی. و کیمسه منی ایناندیرا بیلمز کی، حاضردا ج.ح.پ-نین اساس سیمالاریندان اولان چئویکؤز احتیمالی کیلیچداروغلو حاکمیتینین خاریجی ایشلر ناظیری و یاخود آذربایجان دیپلماتینا ارمنی ایله بیرگه گولن باباجانین معاوینی اولمایاجاق!
طبیعی کی، تورکییه «درین دولتی» علی باباجانی آکپ-دن تمیزلدیی کیمی، کیلیجداروغلو سیستمیندن ده تمیزلهیهجک – ممکن دئییل او دوشونجهنی تورکییهدهکی قارداشلاریمیز خاریجی سیاستده ساخلاسین.
آنجاق اونلار تمیزلنهنه قدر آکپ نه قدر زامان ایتیرمیشدیسه، ممکن یئنی حاکمیت ده او قدر - ان آزی – زامان ایتیرهجک.
تورکییه و تورک دونیاسینین او قدر زامانی وارمی؟ ایندی دونیا نیزامینین یئنیدن فورمالاشدیریلدیغی بیر آندا تورکییه سرحدلرینه چکیله بیلرمی؟ بونا حاقی وارمی؟ بو تاریخی فورصت بیر ده نه زامان اله دوشهجک؟
قوس-قوجا دولت باخچالی آز قالا «دونهنه قدر» تنقید ائتدیی اردوغانین یانیندا نیه ایللردیر یئر آلیر؟ باخچالی کیمی ایستراتژی دوشونجه صاحبی مگر هانسی تاریخی دؤنمده هانسی آددیمی آتماغین واجیبلیینی بیلمیرمی؟
مکملجهسینه بیلیر، اونا گؤره اردوغانین آرخاسیندادیر!
تورکییه خالقی اردوغانا ائله بیر ماندات وئردی کی، اردوغان میسیلسیز ایشلر باشلاتدی! ایندی اردوغانین باشلاتدیغی ایشلری یاریمچیق قویماق و تورکییهنی «اویوشدوروجو وئرگیسی» پاراسیندا «اویوشدورماق»، یوخویا وئرمک اوچون اردوغاندان تورکییه مانداتینی آلماق ایستییرلر.
اصلینده اردوغاندان دئییل، تورکییهنین گلوبال گوج مانداتینا گؤز دیکیبلر!
البته، تورکییه خالقی قارادریلی لیدر ده اورتایا قویسا، قارداشیمیزدیر. چونکی مسئله شخص دئییل، تورکییهدیر، قراری تورکییه وئریر!
آنجاق بیر داها تکرارلایاق: تورکییه خالقی ۱۴ مایدا سئچکییه گئدنده تورک دونیاسینی، ایندیکی دونیا نیزامینی و تورکییهنین هانسی مؤقعده نلر ائتدیینی دوشونمهیه محکومدور!
اردوغان اوز ائدیلمز دئییل، هئچ ابدی ده دئییل – تورکییه دونیایا جهانگیرلر وئرهن محتشم خالقدیر، یئنه یئتیشدیرهجک و دونیایا تقدیم ائدجک!
اما ایندی اردوغان باشلادیغی ایشلری باشا چاتدیرمالیدیر: لیدرلریمیز تورک شوراسینی تورک دولتلری تشکیلاتینا چئویریبلر، امکان وئرک، تورک بیرلیینی ده قورسونلار.
اردوغان سون اونیللرده ایلک دفعه اولاراق - البته کی، تاریخی فورصتدن فایدالاناراق – ۷۸۴ مین kv.km-دان چوخدان چیخیب و تورکییهنین میلیونلارلا kv.km-لیک معنوی سرحدلرینه آدلاییب.
بو معنوی سرحدلری اقتصادی-تیجاری و حربی سرحدلره چئویرمک شانسینی قاچیرماق تاریخه خیانت اولاردی..
